ബ്ലാസ്റ്റേഴ്സിന് കനത്ത തിരിച്ചടി; ഹോര്‍മിപാമിന് ശസ്ത്രക്രിയ; സീസണ്‍ നഷ്ടമാവും
താരത്തിന്റെ പരിക്ക് മഞ്ഞപ്പടയുടെ പ്ലേ ഓഫ് സ്വപ്‌നങ്ങള്‍ക്കാണ് തിരിച്ചടിയായത്.
വാസ്‌കോ: കഴിഞ്ഞ ദിവസം ജെംഷഡ്പൂരിനെതിരായ ഐഎസ്എല്ലിലെ മല്‍സരത്തില്‍ പരിക്കേറ്റ കേരളാ ബ്ലാസ്റ്റേഴ്സ് താരം ഹോര്‍മിപാമിന് സീസണ്‍ നഷ്ടമായേക്കും. സ്വന്തം ടീമിന്റെ ഗോള്‍ കീപ്പറുമായി കൂട്ടുയിടിച്ച് തലയ്ക്കും മുഖത്തും പരിക്കേറ്റ ഹോര്‍മിപാമിന്റെ പരിക്ക് ഗുരുതരമാണെന്നും താരത്തിന് ശസ്ത്രക്രിയ ആവശ്യമാണെന്നും പുതിയ റിപ്പോര്‍ട്ടില്‍ പറയുന്നു. ഇതോടെ താരത്തിന് ഈ സീസണ്‍ നഷ്ടമാവും. ഇന്ത്യന്‍ മദ്ധ്യനിര താരമായ ഹോര്‍മിപാം ഈ സീസണില്‍ ബ്ലാസ്റ്റേഴ്‌സിനായി മികച്ച ഫോമിലായിരുന്നു. താരത്തിന്റെ പരിക്ക് മഞ്ഞപ്പടയുടെ പ്ലേ ഓഫ് സ്വപ്‌നങ്ങള്‍ക്കാണ് തിരിച്ചടിയായത്.