ലാ ലിഗയില്‍ ആദ്യ ജയം സെവിയ്യക്ക്
കൊറോണയെ തുടര്‍ന്ന് മരിച്ച ആയിരങ്ങള്‍ക്ക് വേണ്ടി ഒരു നിമിഷം മൗന പ്രാര്‍ത്ഥന നടത്തിയാണ് മല്‍സരം ആരംഭിച്ചത്.
മാഡ്രിഡ്: മൂന്ന് മാസത്തിന് ശേഷം സ്‌പെയിനില്‍ ഫുട്‌ബോള്‍ തിരിച്ചെത്തിയപ്പോള്‍ ആദ്യ ജയം സെവിയ്യക്ക്. സ്പാനിഷ് ലീഗില്‍ റയല്‍ ബെറ്റിസിനെതിരേയാണ് മൂന്നാം സ്ഥാനക്കാരായ സെവിയ്യയുടെ ജയം. എതിരില്ലാത്ത രണ്ട് ഗോളിനാണ് സെവിയ്യ ജയിച്ചത്.
രണ്ടാം പകുതിയില്‍ ഒക്കാമ്പോസ്(56), റെഗീസ്(62) എന്നിവരാണ് സെവിയ്യയുടെ സ്‌കോറര്‍മാര്‍. കൊറോണയെ തുടര്‍ന്ന് മരിച്ച ആയിരങ്ങള്‍ക്ക് വേണ്ടി ഒരു നിമിഷം മൗന പ്രാര്‍ത്ഥന നടത്തിയാണ് മല്‍സരം ആരംഭിച്ചത്. അതിനിടെ സ്റ്റേഡിയത്തിന് പുറത്ത് ആയിര കണക്കിന് ആരാധകര്‍ മല്‍സരത്തിന് പിന്തുണയുമായി എത്തിയിരുന്നു. ലീഗില്‍ ബാഴ്‌സലോണ ഒന്നാമതും (58), റയല്‍ മാഡ്രിഡ്(56) രണ്ടാമതും ആണ്.