ഫിഫാ ബെസ്റ്റ്; ഷോര്‍ട്ട് ലിസ്റ്റില്‍ മെസ്സി, എംബാപ്പെ, നെയ്മര്‍
എമിലിയാനോ മാര്‍ട്ടിന്‍സ്, കുര്‍ട്ടോയിസ്, അലിസണ്‍ എന്നിവര്‍ ഗോള്‍കീപ്പര്‍മാര്‍ക്കുള്ള ഷോര്‍ട്ട് ലിസ്റ്റില്‍ സ്ഥാനം പിടിച്ചു.
പാരിസ്: ഈ വര്‍ഷത്തെ ഫിഫയുടെ മികച്ച പുരുഷ താരത്തിനുള്ള ഷോര്‍ട്ട് ലിസ്റ്റില്‍ പിഎസ്ജി താരങ്ങളായ ലയണല്‍ മെസ്സി, കിലിയന്‍ എംബാപ്പെ, നെയ്മര്‍ എന്നിവര്‍ ഇടം നേടി. ഇവരെ കൂടാതെ റയല്‍ മാഡ്രിഡിന്റെ ഫ്രഞ്ച് താരം കരീം ബെന്‍സിമ, പോളണ്ടിന്റെ റോബര്‍ട്ടോ ലെവന്‍ഡോസ്‌കി, ബെല്‍ജിയത്തിന്റെ കെവിന്‍ ഡി ബ്രൂണി, ക്രൊയേഷ്യയുടെ ലൂക്കാ മൊഡ്രിച്ച്, ഈജിപ്തിന്റെ മുഹമ്മദ് സലാഹ്, അര്‍ജന്റീനയുടെ യുവതാരം ജൂലിയന്‍ അല്‍വാരസ്, ഇംഗ്ലണ്ടിന്റെ ജൂഡ് ബില്ലിങ്ഹാം, നോര്‍വെയുടെ എര്‍ലിങ് ഹാലന്റ്, മൊറോക്കോയുടെ പിഎസ്ജി താരം അശ്‌റഫ് ഹക്കീമി, സെനഗലിന്റെ സാദിയോ മാനെ, ബ്രസീലിന്റെ റയല്‍ താരം വിനീഷ്യസ് ജൂനിയര്‍ എന്നിവരും ലിസ്റ്റില്‍ ഇടം നേടിയിട്ടുണ്ട്. സൂപ്പര്‍ താരം ക്രിസ്റ്റ്യാനോ റൊണാള്‍ഡോ ലിസ്റ്റില്‍ ഇടം നേടിയില്ല.
മികച്ച പരിശീലകര്‍ക്കുള്ള ഷോര്‍ട്ട് ലിസ്റ്റില്‍ അര്‍ജന്റീനന്‍ കോച്ച് ലയണല്‍ സ്‌കലോണി, ഫ്രാന്‍സിന്റെ ദേഷാംസ്, മൊറോക്കോയുടെ വാലിദ് , റയല്‍ കോച്ച് കാര്‍ലോ ആന്‍സലോട്ടി, മാഞ്ചസ്റ്റര്‍ സിറ്റിയുടെ പെപ്പ് ഗ്വാര്‍ഡിയോള എന്നിവരും ഇടം നേടി.
അര്‍ജന്റീനയുടെ എമിലിയാനോ മാര്‍ട്ടിന്‍സ്, റയലിന്റെ കുര്‍ട്ടോയിസ്, ലിവര്‍പൂളിന്റെ ബ്രസീലിയന്‍ ഗോള്‍ കീപ്പര്‍ അലിസണ്‍ എന്നിവര്‍ മികച്ച ഗോള്‍കീപ്പര്‍മാര്‍ക്കുള്ള ഷോര്‍ട്ട് ലിസ്റ്റില്‍ സ്ഥാനം പിടിച്ചു.