കോഴിക്കോട് കോര്‍പറേഷന്‍ സ്റ്റേഡിയത്തില്‍ ഇന്ന് മലബാര്‍ ഡെര്‍ബി; കാലിക്കറ്റും കണ്ണൂരും നേര്‍ക്ക് നേര്‍
കോഴിക്കോട്: സൂപ്പര്‍ ലീഗ് കേരളയില്‍ ഇന്ന് മലബാര്‍ ഡെര്‍ബി. ലീഗിലെ ഒന്നാം സ്ഥാനക്കാരായ കാലിക്കറ്റ് എഫ്‌സിയും രണ്ടാം സ്ഥാനക്കാരായ കണ്ണൂര്‍ എഫ്‌സിയുമാണ് നേര്‍ക്ക് നേര്‍ വരുന്നത്. ഇരുടീമിനും തുല്യപോയിന്റുകളാണ്. ഗോള്‍ ശരാശരിയിലാണ് കാലിക്കറ്റ് മുന്നിലുള്ളത്. ഈ മല്‍സരത്തിലെ വിജയികള്‍ ഒന്നാം സ്ഥാനവുമായി സെമിയില്‍ പ്രവേശിക്കും. രാത്രി 7.30ന് കോര്‍പ്പറേഷന്‍ സ്റ്റേഡിയത്തിലാണ് മല്‍സരം.