ക്യാപ് നൗ: സ്പാനിഷ് ലീഗ് കിരീടം നേടിയ ബാഴ്‌സലോണയ്ക്ക് ലീഗില്‍ ഞെട്ടിക്കുന്ന തോല്‍വി. സെല്‍റ്റാ വിഗോയ്‌ക്കെതിരായ മല്‍സരത്തിലാണ് ബാഴ്‌സ 2-0ത്തിന് തോല്‍വി ഏറ്റുവാങ്ങിയത്. ചാംപ്യന്‍സ് ലീഗ് സെമിക്ക് മുന്നോടിയായി മെസ്സി, സുവാരസ്, പിക്വെ, ടെര്‍ സ്റ്റേഗന്‍, ബുസ്‌കെറ്റ്‌സ്, ആല്‍ബ തുടങ്ങിയ പ്രമുഖര്‍ ഇല്ലാതെയാണ് ബാഴ്‌സ ഇന്ന് കളിക്കാനിറങ്ങിയത്. താരങ്ങള്‍ക്കെല്ലാം കോച്ച് വിശ്രമം നല്‍കിയിരിക്കുകയാണ്. കൂടാതെ മല്‍സരം തുടങ്ങി 10 മിനിറ്റിനുള്ളില്‍ പ്രമുഖ താരം ഡെംബലെയ്ക്ക് പരിക്കേറ്റതും ബാഴ്‌സയ്ക്ക് തിരിച്ചടിയായി.
മല്‍സരത്തില്‍ ബാഴ്‌സയ്ക്കായിരുന്നു മുന്‍തൂക്കമെങ്കിലും ഗോളിനായുള്ള അവസരങ്ങള്‍ ബാഴ്‌സ സൃഷ്ടിച്ചില്ല. ഗോമസ്(67), അസ്പാസ്(88) എന്നിവരാണ് സെല്‍റ്റയ്ക്കായി ഗോള്‍ നേടിയത്. മറ്റ് മല്‍സരങ്ങളില്‍ എസ്പാനിയോള്‍ അത്‌ലറ്റിക്കോ മാഡ്രിഡിനെ 3-0ത്തിനും ലെവന്റേ 4-1ന് റയോ വാല്‍ക്കാനോയെയും തോല്‍പ്പിച്ചു.