ലോകകപ്പ് യോഗ്യത; 20 വര്‍ഷങ്ങള്‍ക്ക് ശേഷം ജര്‍മ്മനിക്ക് തോല്‍വി
2001ലെ യോഗ്യതാ മല്‍സരത്തില്‍ ഇംഗ്ലണ്ടിനോടാണ് (5-1) ജര്‍മ്മനി അവസാനമായി പരാജയപ്പെട്ടത്.
ബെര്‍ലിന്‍: ലോകകപ്പ് യോഗ്യതാ മല്‍സരത്തില്‍ മുന്‍ ചാംപ്യന്‍മാരായ ജര്‍മ്മനിക്ക് തോല്‍വി. 20 വര്‍ഷങ്ങള്‍ക്ക് ശേഷം ആദ്യമായാണ് യോഗ്യതാ മല്‍സരങ്ങളില്‍ ജര്‍മ്മനി തോല്‍ക്കുന്നത്. നോര്‍ത്ത് മാസിഡോണിയയാണ് 2-1ന് കരുത്തരെ തറപറ്റിച്ചത്. ഗോണ്‍ പാന്‍ദേവ്, എല്‍മാസ് എന്നിവരാണ് നാല് തവണ ലോകചാംപ്യന്‍മാരായ ജര്‍മ്മനിയെ പരാജയപ്പെടുത്തിയത്. ഗുണ്‍ഡോങ് ആണ് ജര്‍മ്മനിയുടെ ആശ്വാസ ഗോള്‍ നേടിയത്. 2001ലെ യോഗ്യതാ മല്‍സരത്തില്‍ ഇംഗ്ലണ്ടിനോടാണ് (5-1) ജര്‍മ്മനി അവസാനമായി പരാജയപ്പെട്ടത്. തോല്‍വിയോടെ ജര്‍മ്മനി ഗ്രൂപ്പ് ജെയില്‍ മൂന്നാം സ്ഥാനത്തേക്ക് വീണു. അര്‍മേനിയ, മാസിഡോണിയ എന്നിവരാണ് ഒന്നും രണ്ടും സ്ഥാനങ്ങളില്‍.