അര്‍ജന്റീനയില്‍ ഫുട്‌ബോള്‍ മല്‍സരത്തിനിടെ അക്രമം; ഒരു മരണം
ഇത് തടഞ്ഞ പോലിസ് റബ്ബര്‍ ബുള്ളറ്റുകളും കണ്ണീര്‍ വാതകവും പ്രയോഗിച്ചു.
ബ്യൂണസ് ഐറിസ്: അര്‍ജന്റീനയില്‍ ഫുട്‌ബോള്‍ മല്‍സരത്തിനിടെ ഗ്രൗണ്ടിന് പുറത്ത് നടന്ന അക്രമത്തില്‍ ഒരാള്‍ മരിച്ചു. നിരവധി പേര്‍ക്ക് പരിക്കേറ്റു. ബൊക്കാ ജൂനിയേഴ്‌സും ജിംനാസിയ വൈ എസ്ഗ്രിമയും തമ്മിലുള്ള മല്‍സരത്തിനിടെയാണ് ആക്രമണം ഉണ്ടായത്. തിങ്ങിനിറഞ്ഞ സ്റ്റേഡിയത്തിലേക്ക് ആളുകളെ വീണ്ടും കയറ്റുന്നതിനിടെയാണ് അപകടം. ആരാധകര്‍ ഒന്നടങ്കം സ്റ്റേഡിയത്തിലേക്ക് കയറാന്‍ ശ്രമിക്കുകയായിരുന്നു. ഇത് തടഞ്ഞ പോലിസ് റബ്ബര്‍ ബുള്ളറ്റുകളും കണ്ണീര്‍ വാതകവും പ്രയോഗിച്ചു.ഇതിനിടെയാണ് അപകടം.