റൊണാള്‍ഡോ ഇറ്റലിയില്‍ തിരിച്ചെത്തി; ക്ലബ്ബുകള്‍ ബുധനാഴ്ച പരിശീലനം തുടങ്ങും
കൊറോണയെ തുടര്‍ന്ന് മാര്‍ച്ചില്‍ പോര്‍ച്ചുഗലിലേക്ക് പോയ താരം കഴിഞ്ഞ ദിവസമാണ് ഇവിടെ തിരിച്ചെത്തിയത്.
ടൂറിന്‍: യുവന്റസ് താരം ക്രിസ്റ്റ്യാനോ റൊണാള്‍ഡോ ഇറ്റലിയില്‍ തിരിച്ചെത്തി. കൊറോണയെ തുടര്‍ന്ന് മാര്‍ച്ചില്‍ പോര്‍ച്ചുഗലിലേക്ക് പോയ താരം കഴിഞ്ഞ ദിവസമാണ് ഇവിടെ തിരിച്ചെത്തിയത്. തന്റെ പ്രൈവറ്റ് ജെറ്റിലാണ് റൊണാള്‍ഡോ ടൂറിനില്‍ എത്തിയത്. 14 ദിവസത്തെ നിരീക്ഷണത്തിന് ശേഷമായിരിക്കും താരം പരിശീലനം തുടരുക. ഇറ്റലിയില്‍ സീരി എയിലെ ക്ലബ്ബുകള്‍ ബുധനാഴ്ചയോടെ പരിശീലനം തുടങ്ങും. മെയ്യ് 18 മുതലാണ് ക്ലബ്ബുകളുടെ ഗ്രൂപ്പ് പരിശീലനം ആരംഭിക്കുക. നാളെ മുതല്‍ താരങ്ങള്‍ തനിച്ച് പരിശീലനം നടത്തും. പരിശീലനത്തിന് മുന്നോടിയായി താരങ്ങള്‍ക്ക് കൊറോണാ ടെസ്റ്റ് നടത്തിയിട്ടുണ്ട്. ഇതിന്റെ ഫലം പരിഗണിച്ചായിരിക്കും ടീം പരിശീലനം ആരംഭിക്കുക.