എമി മാര്‍ട്ടിന്‍സ് ടോട്ടന്‍ഹാമിലേക്ക് വരുന്നു
നിലവില്‍ പ്രീമിയര്‍ ലീഗില്‍ ടോട്ടന്‍ഹാം നാലാം സ്ഥാനത്താണ്.
ലണ്ടന്‍:അര്‍ജന്റീനന്‍ ഗോള്‍ കീപ്പര്‍ എമിലിയാനോ മാര്‍ട്ടിന്‍സ് ആസ്റ്റണ്‍ വില്ല വിടുന്നു. ആസ്റ്റണ്‍ വില്ലാ ഗോള്‍കീപ്പറിനായി ടോട്ടന്‍ഹാം മികച്ച ഓഫറാണ് മുന്നോട്ട് വച്ചിരിക്കുന്നത്. നിലവിലെ ടോട്ടന്‍ഹാം ഗോള്‍ കീപ്പര്‍ ഫ്രാന്‍സിന്റെ ഹ്യൂഗോ ലോറിസിന്റെ കരാര്‍ ഈ സീസണോടെ അവസാനിക്കും. ഹ്യൂഗോ ലോകകപ്പിന് ശേഷം ദേശീയ ടീമില്‍ നിന്ന് രാജിവച്ചിരുന്നു. 36കാരനായ ലോറിസിന്റെ കരാര്‍ ടോട്ടന്‍ഹാം പുതുക്കില്ല.ടോട്ടന്‍ഹാമുമായി കരാറിലെത്തുന്നതോടെ എമിയുടെ ചാംപ്യന്‍സ് ലീഗ് എന്ന സ്വപ്‌നവും സാധ്യമാവും. നിലവില്‍ പ്രീമിയര്‍ ലീഗില്‍ ടോട്ടന്‍ഹാം നാലാം സ്ഥാനത്താണ്.