സാള്‍ട്ടണ്‍ ഇബ്രാ എസി മിലാനിലേക്ക്
38കാരനായ സാള്‍ട്ടണെ ആറുമാസത്തേക്കാണ് ഇറ്റാലിയന്‍ ക്ലബ്ബ് വാങ്ങിയത്.
റോം: മുന്‍ സ്വീഡിഷ്- മാഞ്ചസ്റ്റര്‍ യുനൈറ്റഡ് താരം സാള്‍ട്ടണ്‍ ഇബ്രാഹിമോവിക്ക് എസി മിലാനിലേക്ക്. 38കാരനായ സാള്‍ട്ടണെ ആറുമാസത്തേക്കാണ് ഇറ്റാലിയന്‍ ക്ലബ്ബ് വാങ്ങിയത്. അവസാനമായി അമേരിക്കന്‍ ക്ലബ്ബ് ലാ ഗ്യാലക്‌സിക്ക് വേണ്ടിയാണ് താരം കളിച്ചത്. 2010-12 സീസണില്‍ സാള്‍ട്ടണ്‍ എസി മിലാന് വേണ്ടി കളിച്ചിരുന്നു.
61 മല്‍സരങ്ങളില്‍നിന്ന് 42 ഗോളാണ് അന്ന് താരം നേടിയത്. ഇക്കഴിഞ്ഞ സീസണില്‍ ഗ്യാലക്‌സിക്കായി 53 ഗോളാണ് ഇബ്രാ നേടിയത്. സീരി എയില്‍ മിലാന് നിലവില്‍ 11ാം സ്ഥാനത്താണ്. 2011ലെ സീരി എ നേട്ടത്തിന് ശേഷം ക്ലബ്ബ് യാതൊരു പ്രമുഖകിരീടങ്ങളും നേടിയിട്ടില്ല.