24ാം ലീഗ് സീസണിന് ഇബ്രാ വന്നു; ഗോളുമായി തുടക്കം
ഇറ്റാലിയന്‍ സീരി എയിലെ പ്രായം കൂടിയ വിദേശ ഗോള്‍ സ്‌കോറര്‍ എന്ന നേട്ടവും ഇബ്രായുടെ പേരിലായി.
മിലാന്‍: പരിക്കില്‍ നിന്നും മോചിതനായി 39കാരനായ സ്വീഡന്‍ താരം സാള്‍ട്ടണ്‍ ഇബ്രാഹിമോവിച്ച് എ സി മിലാനില്‍ തിരിച്ചെത്തി. ഇബ്രാ തന്റെ കരിയറിലെ 24ാം സീസണിന് തുടക്കമിട്ടത് ഗോള്‍ നേട്ടത്തോടെയാണ് . ലാസിയോക്കെതിരായ മല്‍സരത്തില്‍ 66ാം മിനിറ്റിലാണ് താരം ഗോള്‍ നേടിയത്. ലാസിയോക്കെതിരേ രണ്ട് ഗോളിന്റെ ജയമാണ് മിലാന്‍ നേടിയത്. ഇറ്റാലിയന്‍ സീരി എയിലെ പ്രായം കൂടിയ വിദേശ ഗോള്‍ സ്‌കോറര്‍ എന്ന നേട്ടവും ഇബ്രായുടെ പേരിലായി. റാഫേല്‍ ലിയോയാണ് മിലാന്റെ ആദ്യ ഗോള്‍ നേടിയത്.
മറ്റ് മല്‍സരങ്ങളില്‍, നിലവിലെ ചാംപ്യന്‍മാരായ ഇന്റര്‍മിലാന്‍ സംമ്പഡോറിയയോട് 2-2 സമനിലയില്‍ കുരുങ്ങി.സസുഓളയ്‌ക്കെതിരേ 2-1ന്റെ ജയമാണ് റോമ നേടിയത്.