കോമണ്‍വെല്‍ത്ത് ഗെയിംസ്; ഹോക്കിയില്‍ ഇന്ത്യയ്ക്ക് ജയം
ടീം വിഭാഗത്തിലും ഇന്ത്യന്‍ പുരുഷ-വനിതാ ടീമുകള്‍ അടുത്ത റൗണ്ടില്‍ കടന്നു.
ബിര്‍മിങ്ഹാം: കോമണ്‍വെല്‍ത്ത് ഗെയിംസ് വനിതാ ഹോക്കിയില്‍ ഇന്ത്യയ്ക്ക് വിജയ തുടക്കം. ഘാനയ്‌ക്കെതിരേ അഞ്ച് ഗോളിന്റെ ജയമാണ് ഇന്ത്യ നേടിയത്. നീന്തലില്‍ 100മീറ്റര്‍ ബാക്ക്‌സ്‌ട്രോക്കില്‍ ഇന്ത്യയുടെ ശ്രീഹരി നടരാജന്‍ സെമിയില്‍ പ്രവേശിച്ചു. നീന്തലിലെ മറ്റ് ഇന്ത്യന്‍ പ്രതീക്ഷകള്‍ ആയ സാജന്‍ പ്രകാശന്‍, കുശാഗ്രാ റാവത്ത് എന്നിവര്‍ പുറത്തായി.
ബോക്‌സിങ് 63.5കിലോഗ്രാം വിഭാഗത്തില്‍ ഇന്ത്യയുടെ ശിവാ ഥാപ്പാ പ്രീക്വാര്‍ട്ടറില്‍ പ്രവേശിച്ചു. ടേബിള്‍ ടെന്നിസില്‍ ഇന്ത്യയുടെ മണിക്ക് ബത്ര അടുത്ത റൗണ്ടില്‍ പ്രവേശിച്ചു. ടീം വിഭാഗത്തിലും ഇന്ത്യന്‍ പുരുഷ-വനിതാ ടീമുകള്‍ അടുത്ത റൗണ്ടില്‍ കടന്നു.