ഒളിംപിക്‌സ്; ഹോക്കിയില്‍ വിജയതുടക്കം; അമ്പെയ്ത്തില്‍ ക്വാര്‍ട്ടറില്‍
ദീപിക കുമാരി-പ്രവീണ്‍ ജാദവ് സഖ്യമാണ് ക്വാര്‍ട്ടറില്‍ പ്രവേശിച്ചത്.
ടോക്കിയോ: ഒളിംപിക്‌സ് ഹോക്കിയില്‍ ഇന്ത്യയ്ക്ക് വിജയ തുടക്കം. പൂള്‍ എയില്‍ നടന്ന മല്‍സരത്തില്‍ ന്യൂസിലന്റിനെ 3-2നാണ് ഇന്ത്യ പരാജയപ്പെടുത്തിയത്. രൂപീന്ദര്‍ പാല്‍, ഹര്‍മന്‍പ്രീത് സിങ് (ഡബിള്‍) എന്നിവരാണ് ഇന്ത്യയ്ക്കായി ഗോള്‍ നേടിയത്.
ഇന്ത്യയ്ക്ക് മെഡല്‍ പ്രതീക്ഷയുള്ള അമ്പെയ്ത്തില്‍ മിക്‌സഡ് വിഭാഗത്തില്‍ ഇന്ത്യ ക്വാര്‍ട്ടറില്‍ പ്രവേശിച്ചു. ദീപിക കുമാരി-പ്രവീണ്‍ ജാദവ് സഖ്യമാണ് ക്വാര്‍ട്ടറില്‍ പ്രവേശിച്ചത്. ഒളിംപിക്‌സ് ചരിത്രത്തില്‍ ആദ്യമായാണ് ഈയിനത്തില്‍ ഇന്ത്യ പങ്കെടുക്കുന്നതും ജയം കുറിക്കുന്നത്.