ഗുസ്തി ഫെഡറേഷന്‍ പ്രസിഡന്റിനെതിരേ ലൈംഗികാരോപണവുമായി വനിതാ താരങ്ങള്‍
2011മുതല്‍ ഗുസ്തി ഫെഡറേഷന്റെ പ്രസിഡന്റാണ് ബ്രിജ് ഭൂഷണ്‍ ശരണ്‍ ശര്‍മ്മ.
ഡല്‍ഹി: ഗുസ്തി ഫെഡറേഷന്‍ പ്രസിഡന്റ് ബ്രിജ് ഭൂഷണ്‍ ശര്‍മ്മയ്‌ക്കെതിരേ ലൈംഗികാരോപണവുമായി ഇന്ത്യയിലെ വനിതാ ഗുസ്തി താരങ്ങള്‍. ഒളിംപിക് വെങ്കലമെഡല്‍ ജേതാവ് വിനേഷ് ഫൊഗാട്ടാണ് ആരോപണവുമായി രംഗത്തെത്തിയത്. ഫൊഗാട്ടിനെ പിന്തുണച്ച് സംഗീതാ ഫൊഗാട്ട്, സോനം മാലിക്ക്, അന്‍ഷു മാലിഖ്, ബജരംഗ് പൂനിയ എന്നിവരും രംഗത്തെത്തി. താനടക്കമുള്ള നിരവധി താരങ്ങളാണ് പ്രസിഡന്റിന്റെ ലൈംഗിക ചൂഷണത്തിന് എതിരായിട്ടുള്ളതെന്ന് താരം പറഞ്ഞു. പ്രസിഡന്റിനെതിരേ താരങ്ങള്‍ ജന്തര്‍മന്തറില്‍ പ്രതിഷേധം നടത്തി. ഗുസ്തി ദേശീയ ക്യാംപില്‍ വച്ച് കോച്ചും പ്രസിഡന്റും നിരവധി വനിതാ താരങ്ങളെ ലൈംഗികമായി ഉപദ്രവിച്ചുവെന്ന് വിനേഷ് ഫൊഗാട്ട് വ്യക്തമാക്കി. നിരവധി ജൂനിയര്‍ വനിതാ താരങ്ങള്‍ തന്നോട് പരാതിപ്പെട്ടിരുന്നു. ഇതിന്റെ അടിസ്ഥാനത്തിലാണ് ഈ വിവരം പുറത്ത് വിടുന്നത്. തന്റെ ജീവന് ഭീഷണിയുണ്ടെന്നും താന്‍ ഇനി ജീവനോടെ ഉണ്ടാവുമെന്ന കാര്യം സംശയത്തിലാണെന്നും ഫൊഗാട്ട് അറിയിച്ചു. 2011മുതല്‍ ഗുസ്തി ഫെഡറേഷന്റെ പ്രസിഡന്റാണ് ബ്രിജ് ഭൂഷണ്‍ ശരണ്‍ ശര്‍മ്മ.
