ഒളിംപിക്‌സ്; സാനിയാ-അങ്കിതാ സഖ്യം ആദ്യ റൗണ്ടില്‍ പുറത്ത്
സകോര്‍ 6-0, 6-7, 10-8.
ടോക്കിയോ: ഒളിംപിക്‌സ് ടെന്നിസ് വനിതാ വിഭാഗം ഡബിള്‍സില്‍ ഇന്ത്യന്‍ സഖ്യം ആദ്യ റൗണ്ടില്‍ പുറത്തായി. ഇന്ത്യയുടെ സാനിയാ മിര്‍സാ-അങ്കിതാ റെയ്‌നാ സഖ്യമാണ് ഞെട്ടിക്കുന്ന തോല്‍വിയോടെ പുറത്തായത്. ആദ്യ സെറ്റ് നേടിയതിന് ശേഷമായിരുന്നു താരങ്ങളുടെ പുറത്താവല്‍. ഉക്രെയ്‌ന്റെ ല്യൂഡ്‌മൈല കിഷെനോക്ക്-നാദിയാ കിഷെനോക്ക് സഖ്യമാണ് ഇന്ത്യ താരങ്ങളെ വീഴ്ത്തിയത്. ഇരുവരും സഹോദരിമാരാണ്. സകോര്‍ 6-0, 6-7, 10-8. ആദ്യ സെറ്റ് ഏകപക്ഷീയമായി അവര്‍ നേടിയിരുന്നു. എന്നാല്‍ രണ്ടാം സെറ്റില്‍ കടുത്ത പോരാട്ടം നടന്നു. ഇന്ത്യന്‍ സഖ്യം സെറ്റ് നേടുമെന്ന് കരുതിയെങ്കിലും ഉക്രെയ്ന്‍ സഖ്യം മികച്ച തിരിച്ചുവരവ് നടത്തുകയായിരുന്നു. ട്രൈബ്രേക്കറില്‍ ഉക്രെയ്ന്‍ ജോഡി കടുത്ത പോരാട്ടത്തിലൂടെ സെറ്റും ജയവും സ്വന്തമാക്കുകയായിരുന്നു.