തിരുവനന്തപുരം: അവസാന ദിനത്തിലെ മൂന്ന് റെക്കോഡുകളോടെയാണ് 62-ാമത് സംസ്ഥാന സ്‌കൂള്‍ കായികമേള കൊടിയിറങ്ങുന്നത്. ഇതില്‍ രണ്ടെണ്ണം ദേശീയ റെക്കോഡുകളാണെന്നതാണ് ശ്രദ്ധേയമായ കാര്യം. ഒന്ന് മീറ്റ് റെക്കോഡും. റെക്കോഡ് വരള്‍ച്ചകൊണ്ടു ശ്രദ്ധിക്കപ്പെട്ട മീറ്റില്‍ സീനിയര്‍ വിഭാഗം ആണ്‍കുട്ടികളുടെ ട്രിപ്പിള്‍ ജംപില്‍ 15.24 മീറ്റര്‍ ദൂരം കണ്ടെത്തിയ മുണ്ടൂര്‍ എച്ച്എസ്സിലെ അഖില്‍ കുമാറാണ് ആദ്യം ദേശീയ റെക്കോര്‍ഡിന് ഉടമയായത്. 2014ല്‍ അബ്ദുളള അബൂബക്കര്‍ സ്ഥാപിച്ച 15.09 സെക്കന്റിന്റെ റെക്കോഡാണ് അഖില്‍ തിരുത്തിക്കുറിച്ചത്.
