ഐഎസ്എല്‍ മല്‍സരത്തിന് ഫലസ്തീന്‍ പതാകയുമായി എത്തിയ നാലു പേര്‍ കസ്റ്റഡിയില്‍
ഗസയിലും ലെബനാനിലും നടക്കുന്ന വംശഹത്യകളില്‍ പ്രതിഷേധിക്കാനാണ് ഇവര്‍ എത്തിയിരുന്നത് എന്നാണ് വിവരം
കൊച്ചി: കലൂര്‍ സ്‌റ്റേഡിയത്തില്‍ ഐഎസ്എല്‍ മത്സരത്തിന് ഫലസ്തീന്‍ പതാകയുമായി വന്ന നാലു പേരെ പൊലീസ് കസ്റ്റഡിയിലെടുത്തു. എറണാകുളം, പാലക്കാട്, തിരുവനന്തപുരം, മലപ്പുറം സ്വദേശികളെയാണ് കസ്റ്റഡിയിലെടുത്തത്. ഇവര്‍ക്കെതിരെ കേസെടുത്തിട്ടില്ലെന്ന് പാലാരിവട്ടം പോലിസ് അറിയിച്ചു. നാലു പേരും സ്റ്റേഡിയത്തിലെത്തി ഫലസ്തീന്‍ പതാക ഉയര്‍ത്തുമെന്ന് നേരത്തെ വിവരം ലഭിച്ചതിനാല്‍ കരുതല്‍ തടങ്കലില്‍ എടുക്കുകയായിരുന്നു. ഗസയിലും ലെബനാനിലും നടക്കുന്ന വംശഹത്യകളില്‍ പ്രതിഷേധിക്കാനാണ് ഇവര്‍ എത്തിയിരുന്നത് എന്നാണ് വിവരം
അതേസമയം, മല്‍സരത്തില്‍ കേരള ബ്ലാസ്‌റ്റേഴ്‌സ് ഹൈദരാബാദിനോട് തോല്‍വി വഴങ്ങി. ആദ്യപകുതിയുടെ അവസാന നിമിഷം വരെ ഒരു ഗോളിന്റെ ലീഡില്‍ നിന്ന കേരള ടീം പോയിന്റ് പട്ടികയില്‍ 11ാം സ്ഥാനത്തുള്ള ഹൈദരാബാദിനോട് സ്വന്തം ഗ്രൗണ്ടില്‍ 2-1 സ്‌കോറിലാണ് പരാജയപ്പെട്ടത്.