പട്‌ന: ബിഹാര്‍ നിയമസഭാ തിരഞ്ഞെടുപ്പില്‍ ഇരുമുന്നണികളും ഇഞ്ചോടിഞ്ച് പോരാട്ടത്തില്‍. ആദ്യമണിക്കൂറിലെ ഫലസൂചന പോലെ മഹാസഖ്യം തന്നെയാണ് മുന്നേറുന്നതെങ്കിലും എന്‍ഡിഎ ഒപ്പത്തിനൊപ്പമെന്ന നിലയിലേക്ക് ലീഡ് സൂചനകളാണ് പുറത്തുവരുന്നത്. ഏറ്റവുമൊടുവില്‍ മഹാസഖ്യം 114 സീറ്റുകളിലും എന്‍ഡിഎ 111 സീറ്റുകളിലും ലീഡ് ചെയ്യുകയാണ്. എല്‍ജെപിയാവട്ടെ 9 സീറ്റുകളിലും മറ്റുള്ളവര്‍ ഒമ്പതിടത്തും മുന്നിലാണ്. കഴിഞ്ഞ തവണത്തെ അപേക്ഷിച്ച് ബിജെപിയും നിതീഷ് കുമാറും നേതൃത്വം നല്‍കുന്ന എന്‍ഡിഎ നിലവില്‍ 14 സീറ്റുകള്‍ പിന്നിലാണ്. എന്നാല്‍ മഹാസഖ്യം നാല് സീറ്റുകള്‍ കൂടുതലാണ്. എല്‍ജെപി ഒമ്പതിടത്തും അധികമായി ലീഡ് ചെയ്യുന്നു. ആര്‍ജെഡി-കോണ്‍ഗ്രസ് നേതൃത്വത്തിലുള്ള മഹാസഖ്യം അധികാരത്തിലെത്തുമെന്നാണ് ഭൂരിഭാഗം സര്‍വേകളും പ്രവചിച്ചച്. കേവലഭൂരിപക്ഷത്തിന് 122 സീറ്റുകള്‍ ജയിക്കണം.
Bihar fighting; MGB Alliance with hope