കേന്ദ്ര അന്വേഷണ ഏജന്‍സികളെ ഉപയോഗിച്ച് ബിജെപി ഭീഷണിപ്പെടുത്തുന്നു: ശിവസേന
മുംബൈ: ഇഡി, സിബിഐ ഉള്‍പ്പടെ കേന്ദ്ര അന്വേഷണ ഏജന്‍സികളെ ഉപയോഗിച്ച് മഹാരാഷ്ട്ര സര്‍ക്കാരിനെ ബിജെപി ഭീഷണിപ്പെടുത്തുകയാണെന്ന് ശിവസേന. ശിവസേന മുഖപത്രമായ സാംനയിലെ എഡിറ്റോറിയലിലാണ് കേന്ദ്ര അന്വേഷണ ഏജന്‍സികള്‍ക്കെതിരേ ആരോപണം ഉന്നയിച്ചത്. 'മഹാരാഷ്ട്രയിലെ ബിജെപി നേതാക്കള്‍ കരുതുന്നത് ഇഡിയും സിബിഐയും അവരുടെ പോക്കറ്റിലാണെന്നാണ്. അന്വേഷണ ഏജന്‍സികളെ ഉപയോഗിച്ച് സംസ്ഥാന സര്‍ക്കാരിനെ ഭീഷണിപ്പെടുത്താനാണ് ശ്രമിക്കുന്നത്'. ശിവസേന കുറ്റപ്പെടുത്തി.
അടിസ്ഥാന രഹിതമായ ആരോപണങ്ങള്‍ ഉന്നയിച്ച് ബിജെപി മഹാരാഷ്ട്രയിലെ വികസന പ്രവര്‍ത്തനങ്ങള്‍ തടസ്സപ്പെടുത്തുകയാണെന്നും ശിവസേന ആരോപിച്ചു.