ബ്രിജ് ഭൂഷണ്‍ വനിതാ താരങ്ങളെ ഉപദ്രവിക്കുന്നത് നേരില്‍ കണ്ടിട്ടുണ്ട്: രാജ്യാന്തര റഫറി
2007 മുതല്‍ അന്താരാഷ്ട്ര ഗുസ്തി റഫറിയാണ് ജഗ്ബീര്‍ സിംഗ്.
ഡല്‍ഹി: ലൈംഗികാരോപണങ്ങളില്‍ കുടുങ്ങിയ ഗുസ്തി ഫെഡറേഷന്‍ മേധാവിയും ബിജെപി എംപിയുമായ ബ്രിജ് ഭൂഷണ്‍ ശരണ്‍ സിങ്ങിന് കൂടുതല്‍ കുരുക്ക്.ബ്രിജ് ഭൂഷണെതിരെ രാജ്യാന്തര റഫറി ജഗ്ബീര്‍ സിംഗ് മൊഴി നല്‍കി.'ഒരിക്കല്‍ ബ്രിജ് ഭൂഷണ്‍ വനിതാ ഗുസ്തി താരങ്ങളുടെ സമീപത്ത് നില്‍ക്കുന്നത് കണ്ടിട്ടുണ്ട്. ഇതോടെ അവര്‍ അസ്വസ്ഥരായി. ഒരു താരം എന്തോ പിറുപിറുത്തുകൊണ്ട് അദ്ദേഹത്തെ തള്ളി മാറ്റിയ ശേഷം അവിടെ നിന്ന് പോയി.',ജഗ്ബീര്‍ സിംഗ് പറഞ്ഞു. 2007 മുതല്‍ അന്താരാഷ്ട്ര ഗുസ്തി റഫറിയാണ് ജഗ്ബീര്‍ സിംഗ്.
വനിതാ ഗുസ്തി താരം ബ്രിജ് ഭൂഷന്റെ അരികില്‍ നില്‍ക്കുകയായിരുന്നു. അതിന് ശേഷമാണ് താരം മുന്നോട്ട് വന്നത്. അവര്‍ അസ്വസ്ഥയായിരുന്നു. ബ്രിജ് ഭൂഷണോട് താരം എങ്ങനെ പ്രതികരിച്ചുവെന്നും ഞാന്‍ കണ്ടു. ഞാന്‍ ഫൂക്കേറ്റിലും ലഖ്നൗവിലും ഉണ്ടായിരുന്നു. ബ്രിജ് ഭൂഷണ്‍ വനിതാ താരങ്ങളെ ഉപദ്രവിക്കുന്നത് നേരിട്ട് കണ്ടിട്ടുണ്ട്', ജഗ്ബീര്‍ വെളിപ്പെടുത്തി.