പ്രളയ പുനരധിവാസ പദ്ധതിക്ക് വിദേശസഹായം; വി ഡി സതീശന്‍ എംഎല്‍എയ്‌ക്കെതിരേ അന്വേഷണത്തിന് അനുമതി തേടി
തിരുവനന്തപുരം: പ്രളയ പുനരധിവാസ പദ്ധതിക്കു വേണ്ടി അനുമതിയില്ലാതെ വിദേശ സഹായം സ്വീകരിച്ചെന്ന ആരോപണത്തില്‍ വി ഡി സതീശന്‍ എംഎല്‍എയ്‌ക്കെതിരേ അന്വേഷണത്തിനു അനുമതി തേടി. പറവൂര്‍ നിയോജക മണ്ഡലത്തില്‍ നടപ്പാക്കിയ പുനര്‍ജനി പദ്ധതിക്കു വേണ്ടിയാണ്
അനുമതിയില്ലാതെ വിദേശ സഹായം സ്വീകരിച്ചെന്ന ആരോപണത്തില്‍ അന്വേഷണത്തിന് അനുമതി തേടി സ്പീക്കറെ സമീപിച്ചത്. ചട്ടലംഘനമുണ്ടായെന്ന ആരോപണത്തില്‍ പ്രഥമിക പരിശോധന പൂര്‍ത്തിയാക്കിയ വിജിലന്‍സ് തുടരന്വേഷണത്തിന് ആഭ്യന്തര വകുപ്പിന്റെ അനുമതി തേടിയിരുന്നു. എന്നാല്‍, ഔദ്യോഗിക ആവശ്യത്തിനായി ഗുജറാത്തില്‍ പോയ സ്പീക്കര്‍ ശ്രീരാമകൃഷ്ണന്‍ നവംബര്‍ 30നു മടങ്ങിയെത്തിയ ശേഷം ഇക്കാര്യത്തില്‍ തീരുമാനമുണ്ടാവുമെന്നാണു സുചന.
Foreign aid for flood rehabilitation project; sought permission to probe against VD Satheesan MLA