ആലപ്പുഴ ദേശീയ പാതയില്‍ വാഹനാപകടം: കാര്‍ യാത്രക്കാരായ നാലു പേര്‍ മരിച്ചു
അമ്പലപ്പുഴ പായല്‍കുളങ്ങരയില്‍ ആണ് വാഹനാപകടം ഉണ്ടായത്. കാറും ലോറിയും കൂട്ടിയിടിച്ചായിരുന്നു അപകടം.
ആലപ്പുഴ: ദേശീയപാതയിലുണ്ടായ വാഹനാപകടത്തില്‍ നാലു പേര്‍ മരിച്ചു. അമ്പലപ്പുഴ പായല്‍കുളങ്ങരയില്‍ ആണ് വാഹനാപകടം ഉണ്ടായത്. കാറും ലോറിയും കൂട്ടിയിടിച്ചായിരുന്നു അപകടം.
കാറില്‍ ഉണ്ടായിരുന്ന നാലു പേരാണ് മരിച്ചതെന്ന് പോലിസ് ആണ് സ്ഥിരീകരിച്ചത്. മരിച്ചത് തിരുവനന്തപുരം സ്വദേശികളാണെന്നും പോലിസ് പറയുന്നു. വിമാനത്താവളത്തിലേക്ക് പോകും വഴിയായിരുന്നു അപകടമെന്നാണ് നിഗമനം. എതിര്‍ദിശയില്‍നിന്ന് അമിത വേഗതയിലെത്തിയ ലോറിയുമായി കാര്‍ കൂട്ടിയിടിക്കുകയായിരുന്നു.