'രാജ്യത്തിന്റെ മകള്‍ മുന്നേറുന്നു'; വിനേഷ് ഫോഗട്ടിന് ലീഡ്, ജുലാന മണ്ഡലത്തില്‍ 214 വോട്ടിന് ലീഡ്
ജുലാന: ഒളിംപ്യന്‍ വിനേഷ് ഫോഗട്ട് ഹരിയാനയിലെ ജുലാന മണ്ഡലത്തില്‍ മുന്നേറുന്നു. കോണ്‍ഗ്രസ് സ്ഥാനാര്‍ഥിയായ വിനേഷ് ബിജെപി സ്ഥാനാര്‍ഥിയായ യോഗേഷ് കുമാര്‍ ഭൈരംഗിയേക്കാള്‍ 214 വോട്ടിന് മുന്നിലാണ്. വിനേഷിന് 4114 വോട്ടും യോഗേഷ് കുമാറിന് 3900 വോട്ടുമാണ് ഇതുവരെ ലഭിച്ചിരിക്കുന്നത്. മണ്ഡലത്തില്‍ വിനേഷ് ജയിക്കുകയാണെങ്കില്‍ 19 വര്‍ഷത്തിനുശേഷം കോണ്‍ഗ്രസ് ജുലാന സ്വന്തമാക്കും.
ഇന്ത്യന്‍ ഗുസ്തിയിലെ ലൈംഗിക അതിക്രമങ്ങള്‍ക്കെതിരേ തെരുവില്‍ പ്രതിഷേധിച്ചതിനെ തുടര്‍ന്നാണ് വിനേഷ് ഫോഗട്ട് രാഷ്ട്രീയ മേഖലയിലേക്ക് എത്തുന്നത്. ഇക്കഴിഞ്ഞ പാരിസ് ഒളിംപിക്‌സില്‍ ഗുസ്തിയില്‍ ഫൈനലില്‍ എത്തിയെങ്കിലും തൂക്കക്കൂടുതല്‍ ചൂണ്ടിക്കാട്ടി അവരെ അയോഗ്യയാക്കിയിരുന്നു. രാജ്യത്ത് തിരിച്ചെത്തിയ ശേഷം റെയില്‍വേയിലെ ജോലി രാജിവച്ച് കോണ്‍ഗ്രസില്‍ അംഗത്വമെടുത്തു. പിന്നാലെ ജുലാനയില്‍ വിനേഷിനെ കോണ്‍ഗ്രസ് സ്ഥാനാര്‍ഥിയായി പ്രഖ്യാപിച്ചു.