കോഴിക്കോട് വിദ്യാര്‍ഥിനിയെ ലഹരിമരുന്ന് നല്‍കി പീഡിപ്പിച്ച ശേഷം ചുരത്തില്‍ തള്ളി
കോഴിക്കോട്: ബിരുദ വിദ്യാര്‍ഥിനിയെ ലഹരിമരുന്ന് നല്‍കി പീഡിപ്പിച്ച ശേഷം വഴിയോരത്ത് ഉപേക്ഷിച്ചു. താമരശ്ശേരിയിലെ സ്വകാര്യ കോളജിലെ ബിരുദ വിദ്യാര്‍ഥിനിയെയായണ് ചുരത്തില്‍ നിന്ന് കണ്ടെത്തിയത്. ചൊവ്വാഴ്ച കാണാതായ പെണ്‍കുട്ടിയെ ഇന്നലെയാണ് കണ്ടെത്തിയത്. വിവിധ സ്ഥലങ്ങളില്‍ കൊണ്ടുപോയി ലഹരിമരുന്ന് നല്‍കി പീഡിപ്പിച്ച ശേഷം ഉപേക്ഷിച്ചതാണെന്നാണ് പെണ്‍കുട്ടിയുടെ മൊഴി. പ്രതിയെ തിരിച്ചറിഞ്ഞതായും ഉടന്‍ പിടിയിലാവുമെന്നുമാണ് പോലിസ് പറയുന്നത്. ഇക്കഴിഞ്ഞ ചൊവ്വാഴ്ച ഹോസ്റ്റലില്‍നിന്ന് വീട്ടിലേക്ക് പോവുകയാണെന്ന് പറഞ്ഞാണ് പെണ്‍കുട്ടി ഇറങ്ങിയത്. പിന്നീട് തിരിച്ചെത്താത്തിനെ തുടര്‍ന്ന് ഹോസ്റ്റല്‍ അധികൃതര്‍ വീട്ടില്‍ വിളിച്ച് അന്വേഷിച്ചു. തുടര്‍ന്ന് പിതാവ് പോലിസില്‍ പരാതി നല്‍കുകയായിരുന്നു. പോലിസ് നടത്തിയ അന്വേഷണത്തിലാണ് താമരശേ്‌രി ചുരത്തിലെ ഒമ്പതാം വളവില്‍ നിന്ന് പെണ്‍കുട്ടിയെ കണ്ടെത്തിയത്. തുടര്‍ന്ന് പെണ്‍കുട്ടിയെ വൈദ്യപരിശോധനയ്ക്ക് വിധേയയാക്കി. പരിശോധനയില്‍ പീഡനം നടന്നതായി സ്ഥിരീകരിച്ചിട്ടുണ്ട്. പ്രദേശത്ത് എംഡിഎംഎ വിതരണം ചെയ്യുന്നവരില്‍ ഒരാളെ കേന്ദ്രീകരിച്ചുള്ള അന്വേഷണം പുരോഗമിക്കുന്നതെന്നാണ് സൂചന.