''നിങ്ങള്‍ എല്ലാവരുടെയും ഹൃദയം കീഴടക്കി''; വിനേഷ് ഫോഗറ്റിനെ പിന്തുണച്ച് എം കെ സ്റ്റാലിന്‍
ചെന്നൈ: പാരിസ് ഒളിംപിക്‌സില്‍ വനിതാ ഗുസ്തി ഫൈനലില്‍ അയോഗ്യയാക്കപ്പെട്ട ഇന്ത്യന്‍ താരം വിനേഷ് ഫോഗട്ടിനെ പിന്തുണച്ച് തമിഴ്‌നാട് മുഖ്യമന്ത്രിയും ഡിഎംകെ അധ്യക്ഷനുമായ എം കെ സ്റ്റാലിന്‍. വിനേഷ്, എല്ലാ അര്‍ഥത്തിലും നിങ്ങള്‍ ഒരു യഥാര്‍ഥ ജേതാവാണെന്നും നിങ്ങളുടെ കരുത്തും ഫൈനലിലേക്കുള്ള ശ്രദ്ധേയമായ കുതിപ്പും ദശലക്ഷക്കണക്കിന് ഇന്ത്യന്‍ പെണ്‍മക്കളെ പ്രചോദിപ്പിച്ചിട്ടുണ്ടെന്നും അദ്ദേഹം എക്‌സില്‍ കുറിച്ചു. ഏതാനും ഗ്രാമിനു മേലെയുള്ള അയോഗ്യത നിങ്ങളുടെ നേട്ടങ്ങളെയും ഉല്‍സാഹത്തെയും ഒട്ടും കുറയ്ക്കില്ല. നിങ്ങള്‍ക്ക് ഒരു മെഡല്‍ നഷ്ടമായെങ്കിലും, നിങ്ങളുടെ അവിശ്വസനീയമായ നിശ്ചയദാര്‍ഢ്യം കൊണ്ട് നിങ്ങള്‍ എല്ലാവരുടെയും ഹൃദയം കീഴടക്കിയെന്നായിരുന്നു എം കെ സ്റ്റാലിന്റെ പ്രസ്താവന.