നാട്ടിലേക്ക് വരാനുള്ള ഒരുക്കത്തിനിടെ മലപ്പുറം സ്വദേശി അജ്മാനില്‍ മരണപെട്ടു
താനൂര്‍: നാട്ടിലേക്ക് വരാനുള്ള ഒരുക്കത്തിനിടെ മലപ്പുറം താനാളൂര്‍ സ്വദേശി അജ്മാനില്‍ ഹൃദയസ്തംഭനം മൂലം മരണപ്പെട്ടു. താനാളൂര്‍ പകരയിലെ പരേതനായ നന്ദനില്‍ ആലിയാമുട്ടി ഹാജിയുടെ മകന്‍ മൊയ്തീന്‍കുട്ടി(46)യാണ് അജ്മാനില്‍ മരണപെട്ടത്. വെള്ളിയാഴ്ച രാവിലെ നാട്ടിലേക്ക് വരാനായി കുളിച്ച് റൂമിലേക്ക് എത്തിയ ഉടന്‍ നെഞ്ചുവേദനയെ തുടര്‍ന്ന് കുഴഞ്ഞുവീഴുകയായിരുന്നു. സ്വകാര്യ കമ്പനിയിലെ ജീവനക്കാരനായിരുന്നു. നാലു മാസം മുമ്പാണ് നാട്ടില്‍ വന്ന് തിരിച്ചുപോയത്. ഭാര്യ: റുബീന. മക്കള്‍: മുഹമ്മദ് ഫായിസ്, ഫാത്തിമ റിഫ, മുഹമ്മദ് ഹിജാസ്. സഹോദരങ്ങള്‍: മുഹമ്മദ് അഷ്‌റഫ്(അബൂദബി), പരേതനായ മുസ്തഫ. മയ്യിത്ത് നാട്ടില്‍ മറവ് ചെയ്യുമെന്ന് ബന്ധുക്കള്‍ അറിയിച്ചു.