മുംബൈ: ലോക്‌സഭാ തിരഞ്ഞെടുപ്പില്‍ ബിജെപി- എന്‍ഡിഎ കക്ഷികള്‍ നേടിയ വന്‍ വിജയം മോദിയുടെ വ്യക്തി പ്രഭാവം കൊണ്ടല്ലെന്നും മറിച്ചു ഹിന്ദുത്വ തരംഗമാണെന്നും മുതിര്‍ന്ന ബിജെപി നേതാവ് സുബ്രഹ്മണ്യ സ്വാമി.
രാജ്യത്തെ യുവാക്കളെ അഭിനന്ദിച്ച സ്വാമി, ജാതിക്കു മേല്‍ മതം നേടിയ വിജയമാണു ഇപ്പോള്‍ കണ്ടതെന്നും പറഞ്ഞു. യുവാക്കള്‍ ദേശീയ ബോധമുള്ളവരാണ്. അവര്‍ ജാതിയെ പരിഗണിച്ചില്ല. അഴിമതിയില്ലാത്ത അഞ്ചു വര്‍ഷത്തെ ഭരണത്തിനാണ് അവര്‍ വോട്ടു ചെയ്തതെന്നും സ്വാമി പറഞ്ഞു