പാലക്കാട്: ഒലവക്കോടിന് സമീപം യുവാവിനെ തല്ലിക്കൊന്നു. മലമ്പുഴ കടുക്കാംകുന്നം സ്വദേശി റഫീഖ്(27) ആണ് മരിച്ചത്. ബൈക്ക് മോഷ്ടിച്ചെന്ന് ആരോപിച്ചായിരുന്നു മര്‍ദനം.
പുലര്‍ച്ചെ ഒരു മണിയോടെയാണ് സംഭവം. മൂന്ന് പേര്‍ പോലിസ് കസ്റ്റഡിയിലുണ്ട്. ഒലവക്കോട് ഐശ്വര്യ നഗര്‍ കോളനിയിലാണ് സംഭവം.
പല്ലശ്ശേന, കൊല്ലംകോട്, ആലത്തൂര്‍ തുടങ്ങിയ പ്രദേശത്തിലെ മൂന്ന് യുവാക്കളെ പാലക്കാട് ടൗണ്‍ നോര്‍ത്ത് പോലിസ് കസ്റ്റഡിയിലെടുത്തിട്ടുണ്ട് എന്നാണ് വിവരം. റഫീഖിന്റെ മൃതദേഹം പാലക്കാട് ജില്ലാ ആശുപത്രിയില്‍ മോര്‍ച്ചറിയില്‍ സൂക്ഷിച്ചിട്ടുണ്ട്.