ശ്രീനാരായണ ഗുരുവിന്റേത് ബഹുസ്വരതയിലൂന്നിയ ദര്‍ശനങ്ങള്‍: സ്വാമി ധര്‍മ്മ ചൈതന്യ
ആലുവ: ബഹുസ്വരതയിലൂന്നിയ ദര്‍ശനങ്ങളാണ് ശ്രീനാരായണ ഗുരു മുന്നോട്ടുവച്ചതെന്ന് സ്വാമി ധര്‍മ്മ ചൈതന്യ അഭിപ്രായപ്പെട്ടു. എസ് ഡിപിഐ എറണാകുളം ജില്ലാ കമ്മിറ്റി ആലുവ എ സഈദ് മെമ്മോറിയല്‍ ഹാളില്‍ സംഘടിപ്പിച്ച പരിപാടിയില്‍ 'ഗുരു ദര്‍ശനങ്ങളുടെ കാലിക പ്രസക്തി' എന്ന വിഷയത്തില്‍ സംസാരിക്കുകയായിരുന്നു അദ്ദേഹം. മഹാത്മാ അയ്യങ്കാളിയും കേരള നവോത്ഥനവും എന്ന വിഷയത്തില്‍ എസ്ഡിപിഐ സംസ്ഥാന പ്രസിഡന്റ് മൂവാറ്റുപുഴ അഷ്‌റഫ് മൗലവി പ്രഭാഷണം നടത്തി. ജാതി വ്യവസ്ഥക്കെതിരേ നടന്ന വിപ്ലവമാണ് മഹാത്മാ അയ്യങ്കാളി നടത്തിയതെന്ന് അദ്ദേഹം പറഞ്ഞു. എസ്ഡിപിഐ എറണാകുളം ജില്ലാ പ്രസിഡന്റ് വി കെ ഷൗക്കത്ത് അലി അധ്യക്ഷത വഹിച്ചു. ജനറല്‍ സെക്രട്ടറി അജ്മല്‍ കെ മുജീബ്, ജില്ലാ കമ്മിറ്റി അംഗം നിഷ സംസാരിച്ചു.