തൃശൂർ : മുളംകുന്നത്തുകാവ് മെഡിക്കൽ കോളജിൽ അധികൃതർകാണിക്കുന്ന അനാസ്ഥക്കും അപര്യാപ്തക്കുമെതിരെ എസ്ഡിപിഐ ജില്ലാ കമ്മിറ്റി ജനുവരി 17 രാവിലെ 10ന് ധർണ നടത്തുമെന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു.
മെഡിക്കൽ കോളജിൽ ചട്ടപ്രകാരം യോഗ്യതയുള്ള സൂപ്രണ്ടിനെ നിയമിക്കുക,
ആശുപത്രി വികസന സമിതി യോഗം ചേർന്ന് നിയമപ്രകാരം കാര്യങ്ങൾ നടത്തുക, പിൻവാതിൽ നിയമനങ്ങൾ റദ്ധാക്കുക,
വിവിധ വകുപ്പുകളിൽ ഒഴിവുകൾ നികത്തുക,
അർബുദ രോഗികൾക്ക് ആവശ്യമായ സൗകര്യങ്ങൾ ഏർപ്പെടുത്തുക,
കാന്റീൻ തുറന്നു പ്രവർത്തിക്കുക തുടങ്ങിയാവശ്യങ്ങൾ ഉന്നയിച്ചാണ് ധർണ നടത്തുന്നത്.
എസ്ഡിപിഐ ജില്ലാ പ്രസിഡന്റ് എം ഫാറൂഖ് ധർണ ഉദ്ഘാടനം ചെയ്യും.
ജില്ലാ വൈസ് പ്രസിഡന്റ് ഇ .എം ലത്തീഫ് അധ്യക്ഷത വഹിക്കും.
ജില്ലാ ജനറൽ സെക്രട്ടറി
അഷറഫ് വടക്കൂട്ട് ,
ജില്ലാ സെക്രട്ടറിയേറ്റ് മെമ്പർ
ഉമർ മുക്താർ,
വടക്കാഞ്ചേരി മണ്ഡലം പ്രസിഡന്റ് അബ്ദുൾ ഖാദർ എന്നിവർ സംസാരിക്കും.
ജില്ലാ വൈസ് പ്രസിഡന്റ് ചന്ദ്രൻ തിയ്യത്ത്, ജില്ലാ ജനറൽ സെക്രട്ടറി അഷറഫ് വടക്കൂട്ട്, ജില്ലാ സെക്രട്ടറിയേറ്റ് അംഗം ആസിഫ് അബ്ദുല്ല എന്നിവർ വാർത്താ സമ്മേളനത്തിൽ പങ്കെടുത്തു.