രാസലഹരിക്കേസില്‍ ശ്രീനാഥ് ഭാസിയെ ചോദ്യം ചെയ്യുന്നു
ഗുണ്ടാ നേതാവ് ഓംപ്രകാശിനെ ഹോട്ടലില്‍ വെച്ച് കണ്ടതിനെ തുടര്‍ന്നാണ് അന്വേഷണം
കൊച്ചി: രാസ ലഹരിക്കേസില്‍ ചോദ്യം ചെയ്യലിന് ഹാജരായി സിനിമാ നടന്‍ ശ്രീനാഥ് ഭാസി. കൊച്ചിയിലെ ഒരു ഹോട്ടലില്‍ ഗുണ്ടാ നേതാവ് ഓംപ്രകാശിനെ കാണാന്‍ ശ്രീനാഥ് എത്തിയിരുന്നു എന്ന വിവരത്തെ തുടര്‍ന്നാണ് ചോദ്യം ചെയ്യാന്‍ മരട് പൊലിസ് നോട്ടീസ് അയച്ചത്. കേസുമായി ബന്ധപ്പെട്ട വിവരങ്ങള്‍ ശേഖരിച്ച ശേഷം ഉചിതമായ നടപടികള്‍ സ്വീകരിക്കാനാണ് പൊലീസിന്റെ തീരുമാനം.
ഓം പ്രകാശിനെ കാണാന്‍ എത്തിയ നടി പ്രയാഗ മാര്‍ട്ടിനും പൊലീസ് നോട്ടീസ് നല്‍കിയിട്ടുണ്ട്. ഇവരും ഉടന്‍ അന്വേഷണ സംഘത്തിന് മുന്നില്‍ ഹാജരാവും. കേസിന്റെ ഭാഗമായി ഇരുവരുടെയും സാമ്പത്തിക ഇടപാടുകളും പൊലിസ് പരിശോധിക്കുന്നുണ്ട്.