മലപ്പുറം: പൊന്നാനി മാറഞ്ചേരി പുറങ്ങില്‍ വീടിനുള്ളില്‍ തീപിടിച്ച് മൂന്നുമരണം. മാറഞ്ചേരി പുറങ്ങ് പള്ളിപ്പടി തൂക്കുപാലത്തിനു സമീപം ഏറാട്ട്വീട്ടില്‍ സരസ്വതി, മകന്‍ മണികണ്ഠന്‍, ഭാര്യ റീന എന്നിവരാണ് മരിച്ചത്. മക്കളായ അനിരുദ്ധന്‍, നന്ദന എന്നിവര്‍ പൊള്ളലേറ്റ് ചികില്‍സയിലാണ്. ബുധനാഴ്ച പുലര്‍ച്ചെ 2 മണിയോടെ ഓടിട്ട വീടിന്റെ ഒരു മുറിയിലാണ് തീപിടിത്തം ഉണ്ടായത്. ബഹളം കേട്ട് ഓടിയെത്തിയ നാട്ടുകാര്‍ വാതില്‍ ചവിട്ടി പൊളിച്ച് ഇവരെ പുറത്തെടുക്കുകയായിരുന്നു.