തുലാഭാരത്തിനിടെ ത്രാസ് പൊട്ടിവീണ് ശശി തരൂരിനു പരിക്ക്
ത്രാസിനു മുകളിലുള്ള കൊളുത്ത് അടര്‍ന്ന് താഴെ വീഴുകയായിരുന്നു
തിരുവനന്തപുരം: തുലാഭാര വഴിപാടിനിടെ ത്രാസ് പൊട്ടിവീണ് തിരുവനന്തപുരം മണ്ഡലം യുഡിഎഫ് സ്ഥാനാര്‍ഥിയും സിറ്റിങ് എംപിയുമായ ശശി തരൂരിനു പരിക്ക്. തിങ്കളാഴ്ച രാവിലെ 11ഓടെ തമ്പാനൂര്‍ ഗാന്ധി അമ്മന്‍ കോവിലിലാണ് സംഭവം. തലയ്ക്കും കാലിനും പരിക്കേറ്റിട്ടുണ്ട്. 11 തുന്നലുണ്ട്. ആദ്യം സമീപത്തെ സ്വകാര്യ ആശുപത്രിയില്‍ പ്രാഥമിക ചികില്‍സ നല്‍കിയ ശേഷം മെഡിക്കല്‍ കോളജിലേക്കു മാറ്റി. വിഷു പ്രമാണിച്ചാണ് പഞ്ചസാര തുലാഭാരത്തിനെത്തിയത്. ത്രാസിനു മുകളിലുള്ള കൊളുത്ത് അടര്‍ന്ന് താഴെ വീഴുകയായിരുന്നു. പരിക്ക് ഗുരുതരമല്ലെന്നാണു സൂചന.