പെരുമ്പാവൂരില്‍ യുവതിയെ കുത്തിക്കൊന്നു
സ്വയം കുത്തിപ്പരിക്കേല്‍പ്പിച്ച അസം സ്വദേശിയായ പ്രതിയെ ആശുപത്രിയില്‍ പ്രവേശിപ്പിച്ചു.
എറണാകുളം: പെരുമ്പാവൂരില്‍ യുവതിയെ സുഹൃത്ത് കുത്തിക്കൊന്നു. അസം സ്വദേശി ഫരീദ ബീഗം ആണ് കൊല്ലപ്പെട്ടതെന്ന് പോലിസ് അറിയിച്ചു. കൃത്യത്തിന് ശേഷം സ്വയം കുത്തിപ്പരിക്കേല്‍പ്പിച്ച അസം സ്വദേശിയായ പ്രതിയെ ആശുപത്രിയില്‍ പ്രവേശിപ്പിച്ചു.
ഇന്ന് ഉച്ചയ്ക്ക് പന്ത്രണ്ടരയോടുകൂടിയായിരുന്നു സംഭവം. യുവതി നടന്നു പോകുമ്പോള്‍ പുറകില്‍ നിന്ന് പ്രതി കുത്തുകയായിരുന്നു. ഗുരുതരമായി പരിക്കേറ്റ യുവതി സംഭവസ്ഥലത്തുവച്ചു തന്നെ മരിച്ചു.