കൊല്ക്കത്ത ബലാല്സംഗക്കൊല: സിബി ഐ ഇന്ന് സുപ്രിം കോടതിയില് റിപോര്ട്ട് നല്കും
ന്യൂഡല്ഹി: കൊല്ക്കത്ത ആര്ജി കര് ഗവ. മെഡിക്കല് കോളജ് ആശുപത്രിയില് ട്രെയിനി ഡോക്ടറെ ബലാല്സംഗം ചെയ്ത് കൊലപ്പെടുത്തിയ സംഭവത്തില് സിബിഐ സംഘം ഇന്ന് സുപ്രിംകോടതിയില് തല്സ്ഥിതി റിപോര്ട്ട് സമര്പ്പിക്കും. കേസന്വേഷണത്തിന്റെ തല്സ്ഥിതി റിപോര്ട്ട് സമര്പ്പിക്കാന് കഴിഞ്ഞ ദിവസം സുപ്രിംകോടതി ആവശ്യപ്പെട്ടിരുന്നു. സംഭവത്തില് സ്വമേധയാ കേസെടുത്ത സുപ്രിംകോടതി ചീഫ് ജസ്റ്റിസ് ഡിവൈ ചന്ദ്രചൂഡിന്റെ നേതൃത്വത്തില് ജസ്റ്റിസുമാരായ ജെ ബി പര്ദിവാല, മനോജ് മിശ്ര എന്നിവരടങ്ങിയ ബെഞ്ചാണ് പരിഗണിച്ചത്. ബംഗാള് സര്ക്കാരിനെ രൂക്ഷമായി വിമര്ശിച്ച കോടതി കേസെടുക്കാന് വൈകിയതിന് ആശുപത്രി അധികൃതരെയും മുന് പ്രിന്സിപ്പല് ഡോ. സന്ദീപ് ഘോഷിനെയും താക്കീത് ചെയ്യുകയും ചെയ്തിരുന്നു. അതിനിടെ, പ്രതിഷേധത്തിനിടെ ആശുപത്രിക്കു നേരെയുണ്ടായ ആക്രമണത്തിലെ നാശനഷ്ടം സംബന്ധിച്ച് പശ്ചിമ ബംഗാള് സര്ക്കാരും ഇന്ന് സുപ്രിംകോടതിയില് റിപോര്ട്ട് സമര്പ്പിക്കും. ആഗസ്ത് ഒമ്പതിനാണ് പിജി വിദ്യാര്ഥിനിയായ ഡോക്ടറെ മെഡിക്കല് കോളജില് ബലാല്സംഗം ചെയ്ത് കൊലപ്പെടുത്തിയത്. ഇതിനെതിരേ രാജ്യവ്യാപകമായി പ്രതിഷേധം തുടരുകയാണ്.
RELATED STORIES
മൈനാഗപ്പള്ളി വാഹനാപകടക്കൊല: ഡ്രൈവര്ക്കും വനിതാ ഡോക്ടര്ക്കുമെതിരേ...
16 Sep 2024 4:46 PM GMTവര്ക്കലയില് ബൈക്കുകള് കൂട്ടിയിടിച്ച് മൂന്ന് യുവാക്കള് മരിച്ചു
16 Sep 2024 4:32 PM GMTജഡ്ജസ് മീറ്റ് രഹസ്യയോഗം; ചിത്രം പുറത്തുവിട്ടത് അബദ്ധത്തിലെന്ന്...
16 Sep 2024 4:21 PM GMTമുംബൈയില് ട്രെയിനില്നിന്ന് വീണ് മരിച്ച പെരിന്തല്മണ്ണ സ്വദേശിയുടെ...
16 Sep 2024 3:57 PM GMTഎടക്കുളം സ്വദേശി അബൂദബിയില് മരണപ്പെട്ടു
16 Sep 2024 3:45 PM GMTതാനൂരില് പ്ലസ് ടു വിദ്യാര്ഥിനി തുങ്ങിമരിച്ച നിലയില്
16 Sep 2024 3:40 PM GMT