കാലിക്കറ്റ് സര്‍വകലാശാല ശനിയാഴ്ചത്തെ പരീക്ഷകള്‍ മാറ്റി

കോഴിക്കോട്: കാലിക്കറ്റ് സര്‍വകലാശാല പരീക്ഷകള്‍ മാറ്റിവച്ചു. ജൂലൈ മൂന്നിന് ശനിയാഴ്ച നിശ്ചയിച്ച പരീക്ഷകളാണ് മാറ്റിയത്. ലോക്ക് ഡൗണ്‍ സാഹചര്യത്തില്‍ പരീക്ഷ നടത്തരുതെന്ന് ആവശ്യമുയര്‍ന്നതോടെയാണ് നടപടി.

കൊവിഡിന്റെ സാഹചര്യത്തില്‍ സര്‍ക്കാര്‍ നിര്‍ദേശപ്രകാരം ഈമാസം മൂന്നിന് നടത്താനിരുന്ന എല്ലാ പരീക്ഷകളും മാറ്റിവച്ചതായി സര്‍വകലാശാല അധികൃതര്‍ അറിയിച്ചു. പുതുക്കിയ തിയ്യതി പിന്നീട് അറിയിക്കുമെന്ന് സര്‍വകലാശാല പരീക്ഷ കണ്‍ട്രോളര്‍ ഡോ.സി സി സാബു പറഞ്ഞു.