ആലിക്കോയ മൗലവി ഓര്‍മപ്പുസ്തകം പ്രകാശനം ചെയ്തു

മലപ്പുറം: എസ്‌വൈഎഫ് ജനറല്‍ സെക്രട്ടറിയായിരുന്ന പി ടി ആലിക്കോയ മൗലവി ഓര്‍മപ്പുസ്തകം പ്രകാശനം ചെയ്തു. സത്യാദര്‍ശത്തിനുവേണ്ടി ഏത് പ്രയാസവും സഹിച്ച് പണ്ഡിതന്‍മാരോടൊപ്പം നില്‍ക്കുകയും പ്രതികൂല സാഹചര്യങ്ങളെ അതിജീവിച്ച് പ്രവര്‍ത്തിക്കുകയും ചെയ്ത വ്യക്തിത്വമാണ് ആലിക്കോയ മൗലവിയെന്ന് പ്രകാശന സംഗമം ഉദ്ഘാടനം ചെയ്ത മൗലനാ എ നജീബ് മൗലവി പ്രസ്താവിച്ചു.

നടുവക്കാട് മഹല്ല് ജമാഅത്ത് പ്രസിഡന്റ് സി കെ അബൂബകര്‍ ഹാജി അധ്യക്ഷത വഹിച്ചു. ജംഇയ്യത്തുല്‍ ഉലമാ കേന്ദ്ര മുശാവറ അംഗം എ എന്‍ സിറാജുദ്ദീന്‍ മൗലവി, എസ്‌വൈഎഫ് കേന്ദ്ര സമിതി കണ്‍വീനര്‍ അലി അക്ബര്‍ മൗലവി, എസ്‌വൈഎഫ് സംസ്ഥാന സെക്രട്ടറി ഇ പി അശ്‌റഫ് ബാഖവി, സുന്നീ ജമാഅത്ത് ജില്ലാ സിക്രട്ടറി സി ടി മുഹമ്മദ് മൗലവി, കെ എം ശംസുദ്ദീന്‍ വഹബി, എം ശബീര്‍ വഹബി, മരുത അബ്ദുല്ലത്തീഫ് മൗലവി, അമീന്‍ ദാറാനി, എ എ മജീദ് മൗലവി എന്നിവര്‍ സംസാരിച്ചു.