കോഴിക്കോട്-പാലക്കാട് റൂട്ടില്‍ കെഎസ്ആര്‍ടിസിയുടെ റിലേ സര്‍വീസ്

പെരിന്തല്‍മണ്ണ: കോഴിക്കോട്-പാലക്കാട് റൂട്ടില്‍ കെഎസ്ആര്‍ടിസി ജൂലൈ ആറുമുതല്‍ പെരിന്തല്‍മണ്ണ യില്‍നിന്ന് റിലേ സര്‍വീസ് നടത്തും. കോഴിക്കോട് നിന്നും പാലക്കാട് നിന്നുമുള്ള സര്‍വീസുകള്‍ പെരിന്തല്‍മണ്ണയില്‍ അവസാനിപ്പിക്കും. ഈ സമയത്തേക്ക് പെരിന്തല്‍മണ്ണയില്‍, പാലക്കാട് നിന്നെത്തി യവര്‍ക്കായി കോഴിക്കോട്ടേക്കും കോഴിക്കോട് നിന്നുള്ളവര്‍ക്ക് പാലക്കാട്ടേക്കും ബസ് തയ്യാറായി നില്‍ക്കും. ബസ്സുകളിലെത്തിയ തുടര്‍ യാത്രക്കാരെ കയറ്റിയ ശേഷമേ മറ്റു യാത്രക്കാരെ കയറാന്‍ അനുവദിക്കൂ. ലോക്ഡൗണിനു മുമ്പ് തിരക്കുണ്ടായിരുന്ന കോഴിക്കോട്-പാലക്കാട് സര്‍വീസില്‍ യാത്രക്കാരില്ലാത്ത സാഹചര്യമാണ്. ഇത് മറികടക്കാന്‍ കൂടിയാണ് പുതിയ സംവിധാനം. നിലവില്‍ കോഴിക്കോട്, മലപ്പുറം, പെരിന്തല്‍മണ്ണ, പാലക്കാട് ഡിപ്പോകളില്‍ നിന്നായി അമ്പതോളം ബസ്സുകളാണ് റൂട്ടില്‍ സര്‍വീസ് നടത്തുന്നത്. ഇവയെല്ലാം റിലേയിലേക്ക് മാറും.

KSRTC relay service on Kozhikode-Palakkad route