ലഹരിമുക്ത കൊണ്ടോട്ടിക്കായി ജനകീയ പ്രക്ഷോഭം; എസ്ഡിപിഐ കോര്‍ണര്‍ മീറ്റിങ് ശ്രദ്ധേയമായി

മലപ്പുറം: ലഹരിമുക്ത കൊണ്ടോട്ടിക്കായി ജനകീയ പ്രക്ഷോഭം കാംപയിന്റെ ഭാഗമായി നടന്ന കോര്‍ണര്‍ മീറ്റിങ് ശ്രദ്ധേയമായി. കൊണ്ടോട്ടി ബസ് സ്റ്റാന്റില്‍ നടന്ന ലഹരി വിരുദ്ധ കോര്‍ണര്‍ മീറ്റിംഗില്‍ രാഷ്ട്രീയ, സാമൂഹിക, സാംസ്‌കാരിക മേഖലയിലെ പ്രമുഖര്‍ പങ്കെടുത്തു. മുനിസിപ്പല്‍ പ്രസിഡന്റ് ഹകീം മുണ്ടപ്പലം അധ്യക്ഷത വഹിച്ചു. എസ്ഡിപിഐ ജില്ലാ പ്രസിഡന്റ് ഡോ. സി എച്ച് അഷ്‌റഫ് ഉദ്ഘാടനം നിര്‍വഹിച്ചു. കൊണ്ടോട്ടി എക്‌സൈസ് ഓഫിസര്‍ പി ഒ മുഹമ്മദലി ആശംസ ഭാഷണം നടത്തി ലഹരി വിരുദ്ധ പ്രതിജ്ഞ ചൊല്ലി കൊടുത്തു. എസ്ഡിപിഐ മുനിസിപ്പല്‍ സെക്രട്ടറി ഹസീബ് ആനപ്പറ, കൊണ്ടോട്ടി ബ്ലോക്ക് കോണ്‍ഗ്രസ്സ് ജനറല്‍ സെക്രട്ടറി ചുള്ളിയന്‍ ബാവു, വെല്‍ഫെയര്‍ പാര്‍ട്ടി പ്രതിനിധി ടി പി റഷീദ്, സാമൂഹിക പ്രവര്‍ത്തകനും റിട്ടയേര്‍ഡ് അധ്യാപകനുമായ അഹമ്മദ് കുട്ടി മാസ്റ്റര്‍, എസ്ഡിപിഐ മണ്ഡലം വൈസ് പ്രസിഡന്റ് സി വി അഷ്‌റഫ്, എസ്ഡിടിയു ജില്ലാ വൈസ് പ്രസിഡന്റ് അബ്ദുസ്സലാം, മുനിസിപ്പല്‍ വൈസ് പ്രസിഡന്റ് എം എ ഖാദര്‍ കോടങ്ങാട് സംസാരിച്ചു.