ദേശീയ വഹബി കോണ്‍ഫറന്‍സ് മാര്‍ച്ച് 21ന് വണ്ടൂരില്‍

വണ്ടൂര്‍/ മലപ്പുറം: ജാമിഅ: വഹബിയ്യയ്ക്ക് കീഴില്‍ ദേശീയ വഹബി കോണ്‍ഫറന്‍സ് മാര്‍ച്ച് 21ന് വണ്ടൂര്‍ ജാമിഅയില്‍ നടക്കും. വിവിധ സംസ്ഥാനങ്ങളിലുള്ള ജാമിഅ: വഹബിയ്യ:യില്‍ നിന്ന് ബിരുദം നേടിയ നൂറുകണക്കിന് വഹബികള്‍ പങ്കെടുക്കും.

ധാര്‍മിക ബോധമുള്ള തലമുറയെ ഉയര്‍ത്തികൊണ്ടുവരിക, ന്യൂനപക്ഷങ്ങള്‍ക്ക് പ്രതീക്ഷയുടെ വെളിച്ചം പകരുക, മതേതരത്വം സംരക്ഷിക്കാന്‍ മുന്നിട്ടിറങ്ങുന്ന എല്ലാവരുമായി സഹകരിക്കുക, സംഘടനകള്‍ക്കതീതമായി മതകലാലയങ്ങള്‍ തമ്മിലുള്ള ബന്ധങ്ങള്‍ ഊഷ്മളമാക്കുക, വിവിധ ചെയറുകളുടെ വിപുലീകരണ ചര്‍ച്ചകള്‍ സംഘടിപ്പിക്കുക, സംസ്ഥാനത്തിന് അകത്തും പുറത്തുമുള്ള ഓഫ് കാംപസുകളില്‍ ഫിഖ്ഹ് സ്റ്റഡി സെന്ററുകള്‍ ആരംഭിക്കുക തുടങ്ങിയ വിഷയങ്ങള്‍ കോണ്‍ഫറന്‍സില്‍ ചര്‍ച്ചയാവും.

വഹബിയ്യ: യൂനിവേഴ്‌സിറ്റിക്ക് കീഴിലുള്ള മുഴുവന്‍ സ്ഥാപന മേധാവികള്‍ക്കു പുറമെ രാജ്യത്തിന്റെ വിവിധ സംസ്ഥാനങ്ങളില്‍നിന്നുള്ള ബിരുദദാരികള്‍ കോണ്‍ഫറന്‍സില്‍ പങ്കെടുക്കും. ജാമിഅ: വൈസ് ചാന്‍സലര്‍ മൗലാനാ എ നജീബ് മൗലവി അഭിസംബോധന ചെയ്യും. കൂടുതല്‍ വിവരങ്ങള്‍ക്ക് 9946566457 എന്ന നമ്പറില്‍ ബന്ധപ്പെടുക.