ഓവുചാല്‍ നിര്‍മാണത്തിനിടെ മതില്‍ ഇടിഞ്ഞുവീണ് തൊഴിലാളി മരിച്ചു
വടകര ഓര്‍ക്കാട്ടേരി മീത്തലെ കണ്ണില്‍ പൊഴില്‍ രാജനാ(52) ണ് മരിച്ചത്. ചിറയ്ക്കല്‍ മദ്രസയ്ക്ക് സമീപം ഇന്ന് വൈകീട്ട് 4.40നായിരുന്നു അപകടം.
9 Feb 2020 3:08 PM GMT
താനൂര്‍: റോഡരികിലെ ഓവുചാല്‍ നിര്‍മാണത്തിനിടെ മതില്‍ ഇടിഞ്ഞുവീണ് തൊഴിലാളിയായ യുവാവ് മരിച്ചു. വടകര ഓര്‍ക്കാട്ടേരി മീത്തലെ കണ്ണില്‍ പൊഴില്‍ രാജനാ(52) ണ് മരിച്ചത്. ചിറയ്ക്കല്‍ മദ്രസയ്ക്ക് സമീപം ഇന്ന് വൈകീട്ട് 4.40നായിരുന്നു അപകടം. ഊരാളുങ്കല്‍ കണ്‍സ്ട്രക്ഷന്‍ കോര്‍പറേഷന്‍ സൊസൈറ്റിയുടെ കീഴില്‍ പരപ്പനങ്ങാടി- തിരൂര്‍ റോഡ് നവീകരണം നടന്നുവരികയാണ്.
ഈ ഭാഗത്ത് ഓവുചാല്‍ പണിക്കിടെ കുനിഞ്ഞുനിന്ന് കേബിളുകള്‍ നീക്കുമ്പോഴാണ് മതിലിടിഞ്ഞത്. ശരീരമൊന്നാകെ മതിലിന്റെ കല്ലുകള്‍ പതിക്കുകയായിരുന്നു. സമീപമുണ്ടായിരുന്ന തൊഴിലാളികള്‍ ഉടന്‍ തൊഴിലാളിയെ പുറത്തെടുത്ത് സ്വകാര്യാശുപത്രിയിലെത്തിച്ചെങ്കിലും രക്ഷിക്കാനായില്ല. മൃതദേഹം തിരൂര്‍ ഗവ. ജില്ലാ ആശുപത്രിയിലേക്ക് മാറ്റി. യുഎല്‍സിസി സൊസൈറ്റി ജീവനക്കാരനാണ്.
Next Story
