വയനാട് ജില്ലയില്‍ 268 പേര്‍ക്ക് കൂടി കൊവിഡ്; ടെസ്റ്റ് പോസിറ്റീവിറ്റി നിരക്ക് 10.6 ശതമാനം

കല്‍പ്പറ്റ: വയനാട് ജില്ലയില്‍ ഇന്ന് 268 പേര്‍ക്ക് കൂടി കൊവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫിസര്‍ ഡോ. ആര്‍ രേണുക അറിയിച്ചു. 193 പേര്‍ രോഗമുക്തി നേടി. ടെസ്റ്റ് പോസിറ്റീവിറ്റി റേറ്റ് 10.6 ആണ്. 264 പേര്‍ക്ക് സമ്പര്‍ക്കത്തിലൂടെയാണ് രോഗബാധ.

3 ആരോഗ്യപ്രവര്‍ത്തകര്‍ക്കും രോഗം സ്ഥിരീകരിച്ചു. ഇതോടെ ജില്ലയില്‍ കൊവിഡ് സ്ഥിരീകരിച്ചവരുടെ എണ്ണം 64582 ആയി. 61357 പേര്‍ ഇതുവരെ രോഗമുക്തരായി. നിലവില്‍ 2712 പേരാണ് ജില്ലയില്‍ ചികില്‍സയിലുള്ളത്. ഇവരില്‍ 1868 പേര്‍ വീടുകളിലാണ് ഐസൊലേഷനില്‍ കഴിയുന്നത്.

രോഗം സ്ഥിരീകരിച്ചവര്‍

അമ്പലവയല്‍ 48, പടിഞ്ഞാറത്തറ 21, പൂതാടി 19, പൊഴുതന 18, മേപ്പാടി 17, മീനങ്ങാടി 16, മുള്ളന്‍കൊല്ലി, നൂല്‍പ്പുഴ 12 വീതം, തവിഞ്ഞാല്‍ 11, തിരുനെല്ലി, തൊണ്ടര്‍നാട് 9 വീതം, വൈത്തിരി 8, കണിയാമ്പറ്റ, മാനന്തവാടി, മുട്ടില്‍, നെന്മേനി, പനമരം, വെള്ളമുണ്ട 7 വീതം, ബത്തേരി 6, കല്‍പ്പറ്റ, തരിയോട് 4 വീതം, മൂപ്പൈനാട് 3, പുല്‍പ്പള്ളി, വെങ്ങപ്പള്ളി 2 വീതം, കോട്ടത്തറ ഒരാള്‍ക്കുമാണ് സമ്പര്‍ക്കത്തിലൂടെ രോഗം സ്ഥിരീകരിച്ചത്. ഇതര സംസ്ഥാനത്തുനിന്നെത്തിയ 4 തമിഴ്‌നാട് സ്വദേശികള്‍ക്കും രോഗം സ്ഥിരീകരിച്ചു.

193 പേര്‍ക്ക് രോഗമുക്തി

ആശുപത്രിയില്‍ ചികില്‍സയിലായിരുന്ന 16 പേരും, വീടുകളില്‍ ചികില്‍സയില്‍ കഴിഞ്ഞിരുന്ന 177 പേരുമാണ് രോഗം ഭേദമായി ഡിസ്ചാര്‍ജ് ആയത്.

695 പേര്‍ പുതുതായി നിരീക്ഷണത്തില്‍

കൊവിഡുമായി ബന്ധപ്പെട്ട് ജില്ലയില്‍ ഇന്ന് പുതുതായി നിരീക്ഷണത്തിലായത് 695 പേരാണ്. 720 പേര്‍ നിരീക്ഷണകാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 10789 പേര്‍. ഇന്ന് പുതുതായി 80 പേര്‍ ആശുപത്രിയില്‍ നിരീക്ഷണത്തിലായി.

ജില്ലയില്‍നിന്ന് 3739 സാമ്പിളുകളാണ് ഇന്ന് പരിശോധനയ്ക്ക് അയച്ചത്. ഇതുവരെ 501026 സാംപിളുകളാണ് പരിശോധനയ്ക്ക് അയച്ചത്. ഇതില്‍ 490067 എണ്ണത്തിന്റെ ഫലം ലഭിച്ചു. 425485 പേര്‍ നെഗറ്റീവും 64582 പേര്‍ പോസിറ്റീവുമാണ്.