വയനാട് ജില്ലയില്‍ 184 പേര്‍ക്ക് കൂടി കൊവിഡ്; ടിപിആര്‍ 12.17 ശതമാനം

കല്‍പ്പറ്റ: വയനാട് ജില്ലയില്‍ ഇന്ന് 184 പേര്‍ക്ക് കൂടി കൊവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫിസര്‍ ഡോ. ആര്‍ രേണുക അറിയിച്ചു. 209 പേര്‍ രോഗമുക്തി നേടി. ടെസ്റ്റ് പോസിറ്റിവിറ്റി റേറ്റ് 12.17 ആണ്. 175 പേര്‍ക്ക് സമ്പര്‍ക്കത്തിലൂടെയാണ് രോഗബാധ. ഒരു ആരോഗ്യ പ്രവര്‍ത്തകര്‍ക്കും കൊവിഡ് സ്ഥിരീകരിച്ചു. ഇതോടെ ജില്ലയില്‍ കൊവിഡ് സ്ഥിരീകരിച്ചവരുടെ എണ്ണം 61323 ആയി. 58033 പേര്‍ ഇതുവരെ രോഗമുക്തരായി. നിലവില്‍ 2880 പേരാണ് ജില്ലയില്‍ ചികില്‍സയിലുള്ളത്. ഇവരില്‍ 1605 പേര്‍ വീടുകളിലാണ് ഐസൊലേഷനില്‍ കഴിയുന്നത്.

രോഗം സ്ഥിരീകരിച്ചവര്‍

മേപ്പാടി 32, തിരുനെല്ലി, അമ്പലവയല്‍ 14 വീതം, വൈത്തിരി 12, നൂല്‍പ്പുഴ 11, പൂതാടി, ബത്തേരി 10 വീതം, മാനന്തവാടി 9, മീനങ്ങാടി, പടിഞ്ഞാറത്തറ, പുല്‍പ്പള്ളി 8 വീതം, വെള്ളമുണ്ട, കല്‍പ്പറ്റ 5 വീതം, എടവക, മുട്ടില്‍, തരിയോട്, തൊണ്ടര്‍നാട് 4 പേര്‍ വീതം, മൂപ്പൈനാട്, നെന്മേനി, പൊഴുതന 3 വീതം, കണിയാമ്പറ്റ, കോട്ടത്തറ, മുള്ളന്‍കൊല്ലി, തവിഞ്ഞാല്‍ സ്വദേശികളായ ഓരോരുത്തരുമാണ് സമ്പര്‍ക്കത്തിലൂടെ രോഗ ബാധിതരായത്. ഗള്‍ഫ് നാടുകളില്‍ നിന്ന് വന്ന 2 പേരും, 7 തമിഴ്‌നാട് സ്വദേശികള്‍ക്കുമാണ് രോഗം സ്ഥിരീകരിച്ചത്.

209 പേര്‍ക്ക് രോഗമുക്തി

ബത്തേരി സ്വദേശികളായ 5 പേര്‍, കല്‍പ്പറ്റ, ബത്തേരി സ്വദേശികളായ രണ്ടുപേര്‍ വീതം, ഇടവക, മീനങ്ങാടി, പൊഴുതന, വെങ്ങപ്പള്ളി സ്വേദേശികളായ ഓരോരുത്തരും, തമിഴ്‌നാട് സ്വദേശികളായ 7 പേരും, വീടുകളില്‍ ചികില്‍സയിലായിരുന്ന 189 പേരുമാണ് രോഗമുക്തരായത്.

511 പേര്‍ പുതുതായി നിരീക്ഷണത്തില്‍

കൊവിഡുമായി ബന്ധപ്പെട്ട് ജില്ലയില്‍ ഇന്ന് (15.06.21) പുതുതായി നിരീക്ഷണത്തിലായത് 511 പേരാണ്. 808 പേര്‍ നിരീക്ഷണകാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 10673 പേര്‍. ഇന്ന് പുതുതായി 61 പേര്‍ ആശുപത്രിയില്‍ നിരീക്ഷണത്തിലായി. ജില്ലയില്‍ നിന്ന് 1818 സാമ്പിളുകളാണ് ഇന്ന് പരിശോധനയ്ക്ക് അയച്ചത്. ഇതുവരെ 472204 സാമ്പിളുകളാണ് പരിശോധനയ്ക്ക് അയച്ചത്. ഇതില്‍ 471415 എണ്ണത്തിന്റെ ഫലം ലഭിച്ചു. 410092 പേര്‍ നെഗറ്റീവും 61323 പേര്‍ പോസിറ്റീവുമാണ്.

Covid updates in Wayanad