കോഴിക്കോട് സ്വദേശി കുവൈറ്റില്‍ കാറപടത്തില്‍ മരിച്ചു

കോഴിക്കോട്: കുവൈറ്റിലുണ്ടായ കാറപടത്തില്‍ കോഴിക്കോട് പയ്യോളി സ്വദേശി മരിച്ചു. നല്ലേരി മാണിക്കോത്ത് മാണിക്യം വീട്ടില്‍ നിസാറിന്റെ മകന്‍ ഷാഹിദ്(24) ആണ് മരിച്ചത്. ഇന്നലെ രാത്രിയിലാണ് അപകടമുണ്ടായത്. ഗുരുതരമായ പരിക്കുകളോടെ അല്‍ അദാന്‍ ആശുപത്രിയില്‍ എത്തിച്ച ഷാഹിദ് രാത്രി 12 മണിയോടെ മരിക്കുകയായിരുന്നു. പരേതനായ ഫര്‍ഹത്ത് മന്‍സില്‍ മൊയ്തീന്‍ ഹാജിയുടെ മകന്‍ സുബൈദയാണ് മാതാവ്. സഹോദരങ്ങള്‍: ഷറൂഖ്(എന്‍ജിനീയര്‍, കുവൈറ്റ്), നിദാന്‍ (ബിബിഎ വിദ്യാര്‍ഥി), നീമ(വിദ്യാര്‍ഥി). കബറടക്കം കുവൈറ്റില്‍.