പച്ചക്കറി കയറ്റിപ്പോയ ലോറി മറിഞ്ഞ് പത്ത് മരണം (വീഡിയോ)

യെല്ലപ്പൂര്‍: കര്‍ണാടകയിലെ ഉത്തര കന്നഡ ജില്ലയിലെ യെല്ലപ്പൂര്‍ താലൂക്കില്‍ അറബെയില്‍ ഘട്ടിന് സമീപം ബുധനാഴ്ച പുലര്‍ച്ചെ പച്ചക്കറി കയറ്റിപ്പോയ ലോറി മറിഞ്ഞ് പത്ത് പേര്‍ മരിച്ചു. ഹാവേരി ജില്ലയിലെ സവനൂരില്‍ നിന്ന് കുംതയിലെ പച്ചക്കറി ചന്തയിലേക്ക് പോയ ലോറിയാണ് മറിഞ്ഞത്.

#WATCH | Karnataka | 10 died and 15 injured after a truck carrying them met with an accident early morning today. All of them were travelling to Kumta market from Savanur to sell vegetables: SP Narayana M, Karwar, Uttara Kannada

(Visuals from the spot) https://t.co/hJQ84aljHw pic.twitter.com/dVtNEKQna7

— ANI (@ANI) January 22, 2025

മരിച്ചവരെല്ലാം പച്ചക്കറി കച്ചവടക്കാരാണെന്ന് പോലിസ് പറഞ്ഞു. 25ലധികം പച്ചക്കറി വ്യാപാരികള്‍ ലോറിയില്‍ ഉണ്ടായിരുന്നു.പുലര്‍ച്ചെ 4:00 മണിയോടെയാണ് സംഭവം. മറ്റൊരു വാഹനത്തിന് സൈഡ് നല്‍കാനുള്ള ശ്രമത്തില്‍ 50 മീറ്റര്‍ ആഴമുള്ള തോട്ടിലേക്ക് വീഴുകയായിരുന്നു. ഗുരുതരമായി പരിക്കേറ്റ എട്ട് പേരെ ഹുബ്ബള്ളിയിലെ കെഎംസി-ആര്‍ഐയിലേക്ക് മാറ്റിയതായി യെല്ലപൂര്‍ പോലിസ് അറിയിച്ചു.