തൃശൂരില്‍ കടലില്‍ കുളിക്കാനിറങ്ങിയ 2 ഇതര സംസ്ഥാന തൊഴിലാളികളെ കാണാതായി

തൃശൂര്‍: തൃശൂര്‍ കയ്പമംഗലത്ത് കടലില്‍ കുളിക്കാനിറങ്ങിയ ബീഹാര്‍ സ്വദേശികളായ രണ്ട് പേരെ കാണാതായി. മുഹമ്മദ് സായിദ്(16), മുഹമ്മദ് മുംതാജ്(23) എന്നിവരെയാണ് കാണാതായത്.

അഞ്ചുപേരുടെ സംഘമാണ് അവധി ആഘോഷിക്കാന്‍ വഞ്ചിപ്പുര ബീച്ചിലെത്തിയത്. കുളിക്കുന്നതിനിടെ തിരയില്‍പെടുകയായിരുന്നു.

മല്‍സ്യത്തൊഴിലാളികള്‍ മൂന്ന് പേരെ രക്ഷപ്പെടുത്തിയെങ്കിലും രണ്ട് പേരെ കണ്ടെത്താനായില്ല.