കേരളത്തിലേക്ക് അഞ്ച് ട്രയിനുകള്‍; ബുക്കിങ് ഇന്ന് ആരംഭിക്കും

ന്യൂഡല്‍ഹി: ജൂണ്‍ ഒന്നു മുതല്‍ തുടങ്ങാനിരിക്കുന്ന ജനശതാബ്ദി ഉള്‍പ്പെടുയുള്ള ട്രയിനുകളുടെ ബുക്കിങ് ഇന്ന് ആരംഭിക്കും. റെയില്‍വേ സ്റ്റേഷനില്‍ നേരിട്ട് ബുക്ക് ചെയ്യാനാവില്ല. ഓണ്‍ലൈന്‍ ബുക്കിങ്ങ് മാത്രമേ ഉണ്ടാവുകയുള്ളൂ. സാധാരണ ടിക്കറ്റുകള്‍ നല്‍കില്ല, ജനറല്‍കോച്ചിലും ബുക്ക് ചെയ്യണം.

ജനശത്ബാദി, എറണാകുളം -നിസാമുദ്ദീന്‍, തുരന്തോ എക്‌സ്പ്രസ്, തിരുവനന്തപുരം ലോകമാന്യതിലക് നേത്രാവതി എക്‌സ്പ്രസ്, തുരന്തോ, സമ്പര്‍ക്ക ക്രാന്തി തുടങ്ങി നൂറോളം ട്രയിന്‍ സര്‍വ്വീസുകളാണ് രാജ്യത്ത് സര്‍വീസ് ആരംഭിക്കുക. രണ്ട് ജനശതാബ്ദി, നേത്രാവതി, മംഗള, തുരന്തോ എന്നിങ്ങനെ അഞ്ച് ട്രയിനുകളാണ് കേരളത്തിലേക്ക് സര്‍വീസ് നടത്തുക.

നേരത്തെ ബുക്ക് ചെയ്തവര്‍ക്ക് ഈ ട്രയിനില്‍ പോകാനാവില്ല. ഇവ സ്‌പെഷ്യല്‍ ട്രയിനുകളായാണ് കണക്കാക്കുക. അതുകൊണ്ട് വീണ്ടും ബുക്ക് ചെയ്യേണ്ടിവരും.