സ്‌കൂട്ടറിടിച്ച് സൈക്കിള്‍ യാത്രക്കാരന്‍ മരിച്ചു

മാളഃ അന്നമനടയില്‍ സ്‌കൂട്ടറിടിച്ച് സൈക്കിള്‍ യാത്രക്കാരന്‍ മരിച്ചു. എടയാറ്റൂര്‍ കണ്ണന്‍വേലിത്തറ വേലായുധന്‍ (50) ആണ് മരിച്ചത്. വര്‍ക്ക് ഷോപ്പ ജോലിക്കാരനായ വേലായുധന്‍ വൈകീട്ട് എടയാറ്റൂരിലെ വീട്ടിലേക്ക് വരുമ്പോഴായിരുന്നു സ്‌കൂട്ടര്‍ ഇടിച്ചത്. അന്നമനട ക്രിസ്തുരാജ പള്ളിക്ക് സമീപത്തു വച്ച് ഇന്നലെ വൈകീട്ട് ഏഴ് മണിയോടെയാണ് സംഭവം.

വേലായുധനെ അതുവഴി വന്ന കാര്‍യാത്രക്കാരന്‍ മാളയിലെ സ്വകാര്യ ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു. എരയാംകുടി സ്വദേശി നടക്കേപ്പറമ്പില്‍ സലിം എന്നയാള്‍ ഓടിച്ചിരുന്ന സ്‌കൂട്ടറാണ് ഇടിച്ചത്.

ഭാര്യ: രജനി. മക്കള്‍ ഗൗരിനന്ദന്‍, ഹരിനന്ദന്‍.