മാള സെന്റ് ആന്റണീസ് സ്‌കൂള്‍ ഗ്രൗണ്ടില്‍ അഖില കേരള വടംവലി മത്സരം സംഘടിപ്പിച്ചു

മാള: മലര്‍വാടി ആര്‍ട്‌സ് ആന്റ് സ്‌പോര്‍ട്‌സ് ക്ലബിന്റെ ആഭിമുഖ്യത്തില്‍ 34 ടീമുകളെ പങ്കെടുപ്പിച്ചു കൊണ്ട് മൂന്നാമത് അഖില കേരള വടംവലി മത്സരം സംഘടിപ്പിച്ചു. മാള സെന്റ് ആന്റണീസ് സ്‌കൂള്‍ ഗ്രൗണ്ടില്‍ നടന്ന പൊതുപരിപാടി കൊടുങ്ങല്ലൂര്‍ വി ആര്‍ സുനില്‍കുമാര്‍ എം എല്‍ എ ഉദ്ഘാടനം ചെയ്തു.

ഫുട്‌ബോള്‍ താരം ഐ എം വിജയന്‍ മല്‍സരം ഉദ്ഘാടനം ചെയ്തു. തുടര്‍ന്ന് പ്രശസ്ത മിമിക്രി കലാകാരന്‍ പ്രമോദ് മാളക്ക് മലര്‍വാടി ആര്‍ട്‌സ് ആന്റ് സ്‌പോര്‍ട്‌സ് ക്ലബിന്റെ ഉപഹാരം സമര്‍പ്പിച്ചു.

മാള സെന്റ് സ്റ്റനി സ്ലാവോസ് ഫൊറോന പള്ളി വികാരി വെ. റവ. ഫാ. വര്‍ഗീസ് ചാലിശ്ശേരി, ചര്‍ച്ച് കമ്മിറ്റി അംഗം പീറ്റര്‍ പാറേക്കാട്ട് തുടങ്ങിയവര്‍ സംബന്ധിച്ചു.

ക്ലബ് സെക്രട്ടറി സജി കുര്യാക്കോസ് സ്വാഗതവും പ്രസിഡന്റ് എന്‍ എസ് അശ്വിന്‍ അധ്യക്ഷത വഹിക്കുകയും ട്രഷറര്‍ യു എസ് ശരത്ത് നന്ദി പറയുകയും ചെയ്തു. മത്സരത്തില്‍ കവിത വേങ്ങാട് ഒന്നാം സ്ഥാനത്തോടെ 20,000 രൂപയും ട്രോഫിയും നേടി. 15,000 രൂപയും ട്രോഫിയും അടങ്ങുന്ന രണ്ടാം സ്ഥാനം സ്റ്റാര്‍ വിഷന്‍ വെങ്കിടങ്ങ് നേടി.