മാളയില്‍ വനിതകള്‍ക്കെതിരെ രണ്ടിടത്ത് ആക്രമണവും മോഷണവും

മാള: മാളയില്‍ വനിതകള്‍ക്കെതിരെ മിന്നല്‍ ആക്രമണം. രണ്ടിടത്തായി നടന്ന സംഭവത്തില്‍ അക്രമികള്‍ ആരെന്ന് അറിവായിട്ടില്ല. കവര്‍ച്ചാ ശ്രമമെന്നാണ് സൂചന.

സ്ത്രീകള്‍ ആക്രമിക്കപ്പെട്ടിട്ടും പോലിസ് നിസ്സംഗതപാലിക്കുന്നതായി ആക്ഷേപമുണ്ട്.

മണിക്കൂറുകള്‍ പിന്നിട്ടിട്ടും ആക്രമണം നടത്തിയ ബൈക്ക് യാത്രികരെ കണ്ടെത്താനായിട്ടില്ല. മാള ടൗണിലും സ്‌റ്റേഷന്‍ പരിസരത്തുമായി ഡസന്‍ കണക്കിന് സിസിടിവി കാമറകള്‍ സ്ഥാപിചിട്ടുണ്ടെങ്കിലും ഒന്നു പോലും പ്രവര്‍ത്തിക്കുന്നില്ല. പ്രതികളെ കണ്ടെത്തല്‍ ഇതോടെ ദുഷ്‌കരമായിട്ടുണ്ട്.

വെണ്ണൂര്‍ കുന്നത്തുപറമ്പില്‍ രാധാമണി (50) കുഴൂര്‍ മണ്ടികയറ്റം കോളനിയില്‍ ദേവിക (21) എന്നിവരാണ് ആക്രമണത്തിന് വിധേയരായത്. ഇതില്‍ രാധാമണിയുടെ രണ്ട് പവന്‍ വരുന്ന മാലയും അക്രമികള്‍ കവര്‍ന്നു.